Әһли Бејт -АБНА- хәбәр аҝентлијинин вердији хәбәрә әсасән: Ҹәнуби Гафгаз реҝионуна кәнардан тәзјиг дајандырылса, Дағлыг Гарабағ мүнагишәси һәлл олуна биләр. Бу барәдә ҹүмә ахшамы мәтбуат конфрансында Иран Ислам Республикасынын Президенти Маһмуд Әһмәдинежад дејиб.
Ҹәнаб Маһмуд Әһмәдинежад гејд едиб: "Иран үмид едир ки, Дағлыг Гарабағ проблеми сүлһ јолу илә һәлл едиләҹәк"
Ики Ҹәнуби Гафгаз өлкәси арасында мүнагишә 1988-ҹи илдә Ермәнистанын Азәрбајҹана гаршы әрази иддиасы ирәли сүрмәси зәмининдә јараныб. Азәрбајҹан торпагларынын ијирми фаизи, јәни Дағлыг Гарабағ әразиси вә бу әразијә битишик једди рајон Ермәнистан Силаһлы Гүввәләринин ишғалы алтындадыр.
1994-ҹү илдә тәрәфләр атәшкәс режиминә даир разылашма әлдә едибләр вә о вахтдан бәри АТӘТ-ин Минск групунун һимајәси алтында, Русија, Франса вә АБШ-ын һәмсәдрлији илә һәлә дә нәтиҹәсиз сүлһ данышыглары апарылыр. БМТ Тәһлүкәсизлик Шурасынын Дағлыг Гарабағ вә әтраф рајонларын азад едилмәсинә даир гәбул етдији дөрд гәтнамәни Ермәнистан бу ҝүнә гәдәр јеринә јетирмәјиб.
Диггәт: Хәбәрдән истифадә етдикдә мәнбәјә истинад лазымдыр
