Әһли Бејт -АБНА- хәбәр аҝентлијинин вердији хәбәрә әсасән: АБШ президенти Барак Обама Конгресә кечирилмиш сечкиләрдә бир чох партијадашларынын мәғлуб олмасыны ҝөрмәјин онун үчүн чох ағыр олдуғуну билдириб.
Обама етираф едәрәк билдириб: «Ән ағыры мөһтәшәм иҹтимаи хадимләрин өлкәјә хидмәти давам етдирмәк имканларыны итирмәләрини ҝөрмәк иди»,
О билдириб ки, бир чох мәғлуб олмуш конгресмен вә сенаторларла сөһбәт едиб. «Онларын һамысы билдирдиләр ки, мәним бәзи тәшәббүсләрими дәстәкләдикләринә ҝөрә гисмән сечиҹи дәстәјиндән мәһрум олсалар да бу аддымларына ҝөрә пешман дејилләр», дејә президент билдириб.
Бундан әлавә, АБШ президенти гејд едиб ки, сечкиләрин нәтиҹәләри ону өз сијасәтинә јенидән нәзәр салмаға вә нәләри дәјишә биләҹәји барәдә дүшүнмәјә вадар едир.
АБШ-да нојабрын 2-дә Конгресә аралыг сечкиләр кечирилиб. Сечкинин нәтиҹәләринә ҝөрә Демократ партијасы Нүмајәндәләр палатасында чохлуғу итирсә дә Сенатда үстүнлүјүнү сахлајыб.
Диггәт: Хәбәрдән истифадә етдикдә мәнбәјә истинад лазымдыр
