АБНА-/ҺаггЈолу – Бәли, дүнјаны ағрыдан бөһранлардан бири дә депутат бөһраныдыр. Депутатларын әдәбсизлији, әлбәјаха давалары, сөјүшмәләри артыг һеч кими тәәҹҹүбләндирмир. Амма биздә, әлһәмдүлиллаһ…
“Милли Мәҹлисин III чағырыш дөврүндә депутатларымыз низам-интизамы јүксәк сәвијјәдәдир”. СИА-нын вердији хәбәрә ҝөрә, бу сөзләри Милли Мәҹлисин Интизам комиссијасынын сәдри Ағаҹан Абыјев журналистләрә вердији ачыгламасында дејиб. О билдириб ки, депутатларын бәзиләринин сессијаларда иштирак етмәмәси објектив вә диҝә сәбәләрдән ирәли ҝәлир.
Онун сөзләринә ҝөрә, депутатларын иҹласларда мүнтәзәм иштирак етмәмәсинин әсас сәбәби онларын бир чохларынын бејнәлхалг тәшкилатларда чох јүксәк сәвијјәдә вә тез- тез иштирак етмәләридир: “Милли Мәҹлисдә достлуг груплары да вар ки, онларын ил әрзиндә бир нечә сәфәрләри олур, мүхтәлиф ҝөрүшләр кечирир, мүзакирәләр апарырлар. Мән Дүнја Бокс Федерасијасы иҹраијјә комитәсинин үзвүјәм. Дүнјада кечирилән олимпија ојунларында иштирак етдијимә ҝөрә, 1 һәфтә 10 ҝүн өлкәдән кәнарда олурум. Бу сәбәдән дә иҹласларда мүнтәзәм иштирак едә билмирәм”
Депутатларымыз арасында бејнәлхалг тәшкилатларынын үзвләринин дә олдуғуну хатырладан А.Абыјев буну севиндириҹи һал кими гијмәтләндириб. О дејиб ки, бу севиндириҹи бир һалдыр ки, Азәрбајҹан парламентинин үзвләри бир чох бејнәлхалг тәшкилатларынын апарыҹы үзвләриндән биридир вә орада иш апарыр, өлкәмизин адыны шәрәфини горујурлар: “ Бу сәбәбләрә ҝөрә, онларын, 2,3 вә ја 5 иҹласда иштирак етмәмәләри илә бир шеј олмаз. Бүтүн сәфәрләр вә сәһһәти илә бағлы иҹласларда иштирак етмәјән депутатлар комиссија тәрәфиндән гејдијјата алыныр. Мән һесаб едирәм ки, бу чағырышда бизим депутатларымызын низам интизамы јүксәк сәвијјәдәдир. Һәтта онлар бу интизамлары илә башга өлкәләрин парламент нүмајәндәләринә дә нүмунә ола биләрләр”.
