Әһл Бејт-АБНА-хәбәр аҝентлији АПА-нын мәлуматына ҝөрә, Авропа Шурасы Парламент Ассамблејасынын (АШ ПА) сессијасында гәбул олунмуш гәтнамәдә белә дејилир. Бунунла белә, сәнәддә билдирилир ки, тәһлүкәсизлији тәмин етмәк мәгсәдилә бәзи һүгуги мәһдудијјәтләр тәтбиг едилә биләр. Гәтнамәдә ҝөстәрилир ки, чадранын тахылмасы әксәр һалларда гадынын киши тәрәфиндән әсарәтдә сахланмасы кими гәбул олунур: “Лакин ејни заманда чадранын тахылмасына там гадаға гојулмасы да гәлбдән, көнүллү сурәтдә башыны өртмәк истәјән гадынлара бу һүгугдан истифадә етмәјә имкан вермир”. Парламентариләр, һәмчинин билдирибләр ки, һеч бир гадын өз ҹәмијјәти вә аиләси тәрәфиндән дини палтар ҝејинмәјә мәҹбур едилә билмәз: “Истәнилән истисмар, һәбс вә зоракылыг акты ҹинајәтдир вә ганунла ҹәзаланмалыдыр. Авропа һөкумәтләри мүсәлман гадынлара, онларын аиләләринә вә иҹмаларына онларын һүгугларыны анлатмалы, онларын иҹтимаи вә профессионал һәјатда иштиракыны тәшвиг етмәлидир”. АШПА данимаркалы депутат Могенса Јенсенин “Ислам, исламизм вә исламофобија” адлы мәрузәсини гәбул едиб вә Исвечрәни тезликлә минарәләрин иншасына гојулан там гадағаны арадан галдырмаға чағырыб, бу гәрары дискриминасија адландырыб.
