Рәвајәтләрдә билдирилир ки, мөмин инсан ҝеҹә ибадәтинә дајандығы заман мәләкләр севинҹиндән ҝүлүмсәјир. Ҝеҹәни ојаг галыб Алаһала раз-нујаз етмәк, ҝеҹә намазы гылмаг һаггында арифләр нә дүшүнүр? Ајәтуллаһ Мирза Ҹавад Аға Мәлики Тәбризи: "Устадым Молла Һәсәнәли бујурурду ки, јалныз ҝеҹә ибадәт едәнләр камиллик мәгамына наил ола биләр..." Ајәтуллаһ Гази: "Ҝеҹә намазына дурмајыб камиллик истәјән адама тәәҹҹүб едирәм! Кимсәнин ҝеҹә намазындан башга јолла камиллик мәгамына чатдығыны ешитмәмишик! Шәһид Мүтәһһәри: "Һәгиги ҝеҹә намызындан алынан ләззәти кимсә мејханада әјјашлыгдан ала билмәз..." Имам Хомејнинин ҝәнҹ јашларындан башлајараг өмүр боју, һәтта зинданда, сүрҝүндә, хәстәханада ҝеҹә намазыны тәрк етмәдији сөјләнилир. Шејх Әнсаринин јеткинлијә чатдығы вахтдан ҝеҹә намазы гылдығы, һәр ҝүн бир ҹүз Гуран охудуғу, Ҹәфәр-Тәјјар намазы гылдығы, Ҹамеә вә Ашура зијарәтләрини охудуғуну јазырлар. Әлламә Тәбатәбаинин јол боју мүстәһәб намаз гылдығы, рамазанын бүтүн ҝеҹәләрини ојаг галыб ибадәтә мәшғул олдуғу сөјләнилир./Тебјан/
