Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Бирләшмиш Милләтләр Тәшкилатындакы сәфири вә даими нүмајәндәси Тәһлүкәсизлик Шурасына вә БМТ Баш катибинә үнванладығы ики ајры мәктубда Сәудијјә вәһһаби краллығыны вә Бирләшмиш вәһһаби Әрәб Әмирликләрини меһрибан гоншулуг принсипләринә риајәт етмәјә вә АБШ-а вердикләри әразиләриндән Ирана гаршы давамлы һәрби һүҹумларын гаршысыны алмаға чағырыб.
Иран Ислам Республикасынын Бирләшмиш Милләтләр Тәшкилатындакы сәфири вә даими нүмајәндәси Әмир Сәид Ирәвани базар ертәси јерли вахтла БМТ Баш катиби вә Тәһлүкәсизлик Шурасынын сәдри Антонио Гутеррешә үнванладығы мәктубларда әлавә едиб:
Дөвләтләрин әразиләрини тәҹавүз актлары төрәтмәк вә үчүнҹү бир дөвләтин әразисинә силаһлы һүҹумлар һәјата кечирмәк үчүн истифадә етмәкдән ирәли ҝәлән бејнәлхалг мәсулијјәтини нәзәрә алараг, Иран Ислам Республикасы јухарыда гејд олунан ганунсуз һәрәкәтләрә гаршы сәрт вә гәти етиразыны билдирир.
Ирәвани вурғулајыб: Иран Ислам Республикасы Сәудијјә Әрәбистаны вә Бирләшмиш Әрәб Әмирликләрини меһрибан гоншулуг принсипләринә риајәт етмәјә вә әразиләринин Иран Ислам Республикасына гаршы давамлы истифадәсинин гаршысыны алмаға чағырыр.
Sizin rəyiniz