Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын хариҹи ишләр назири Сејид Аббас Әрагчи вә Түркијәнин хариҹи ишләр назири Һакан Фидан телефон данышығы заманы реҝионда баш верән сон һадисәләр барәдә мәсләһәтләшмә вә фикир мүбадиләси апарыблар.
Түркијәнин хариҹи ишләр назири Исламабадда Түркијә, Пакистан, Сәудијјә Әрәбистаны вә Мисирин хариҹи ишләр назирләринин иштиракы илә кечирилмиш сон дөрдтәрәфли ҝөрүшә тохунараг, реҝион өлкәләринин мүһарибәнин дајандырылмасы, сүлһ вә сабитлијин бәргәрар олунмасына дәстәјини вурғулајыб.
Өлкәмизин хариҹи ишләр назири АБШ вә сионист режимин Ирана гаршы апардығы мәҹбури мүһарибәнин сон вәзијјәтини изаһ едәрәк бүтүн дөвләтләрин тәҹавүзкарларын төрәтдији ҹинајәтләри, хүсусилә мәктәбләрә, университетләрә вә елми мәркәзләрә, тарихи вә мәдәни абидәләрә, истеһсал вә енержи инфраструктуруна, еләҹә дә јашајыш мәнтәгәләринә һүҹумлары гынамаг мәсулијјәти дашыдығыны вурғулајыб. О билдириб: АБШ рәсмиләринин Иранын енержи вә истеһсал инфраструктуруна һүҹумла бағлы ачыг тәһдидләр сәсләндирмәси өзлүјүндә ҹинајәт характерли тәһдиддир вә АБШ һөкумәтинин бејнәлхалг һүгугун фундаментал әсасларына вә һуманист принсипләрә ачыг һөрмәтсизлијинин ҝөстәриҹисидир. Бунунла бағлы бејнәлхалг иҹтимаијјәтин гәти реаксија вермәси зәруридир.
Әрагчи бәзи мәнбәләр тәрәфиндән Иранын Түркијә истигамәтинә ракет атмасы барәдә јајылан хәбәрләри тамамилә әсассыз адландырыб вә реҝионда сүлһ вә достлуғун дүшмәнләри тәрәфиндән “сахта бајраг” әмәлијјатларынын тәкрарланмасы еһтималы илә бағлы хәбәрдарлыг едиб.
О гејд едиб: Иран Ислам Республикасы јахшы гоншулуг принсипинә, Түркијәнин милли суверенлији вә әрази бүтөвлүјүнә һөрмәтә садигдир вә мүмкүн иддиаларын арашдырылмасы үчүн бирҝә техники әмәкдашлыға һазырдыр.
Sizin rəyiniz