Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ-нин Чикаго Университетинин сијаси елмләр вә бејнәлхалг мүнасибәтләр үзрә профессору Ҹон Мершајмер билдириб ки, Иран мүһарибәни давам етдирмәк үчүн ҹидди үстүнлүкләрә маликдир вә Доналд Трамп администрасијасы ҝери чәкилмә вә мүнагишәдән чыхыш јолларыны нәзәрдән кечирмәлидир.
О гејд едиб: Бәзи даирәләр Ираны зәиф рәгиб кими гијмәтләндирсә дә, иранлылар олдугҹа ајыг вә мәлуматлыдырлар вә онларын әлиндә мүһүм үстүнлүкләр вар.
Вашингтон вә Тәл-Әвивин Теһрана гаршы тәһдидләринә тохунан Мершајмер вурғулајыб: Иран мөвҹуд гаршыдурманы АБШ вә Исраиллә “мөвҹудлуг характерли мүнагишә” кими дәјәрләндирир. Онун сөзләринә ҝөрә, Трамп администрасијасы ҝәрҝинлијин артырылмасы сијасәтиндән имтина етмәли вә ҝери чәкилмә вариантларыны нәзәрдән кечирмәлидир.
Биз Иранла мүһарибәдә галиб дејилик. Дүнјаја, о ҹүмләдән Чинә вердијимиз месаж будур ки, галиб ҝәлә билмәјәҹәјимиз бир мүһарибәјә башламышыг. Ајры-ајры һәдәфләрин вурулмасы гәләбә демәк дејил. Вјетнам мүһарибәсиндә дә бүтүн дөјүшләри газандыг, лакин мүһарибәни удуздуг.
Sizin rəyiniz