Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: ТАСС хәбәр аҝентлијинин вердији мәлуматына ҝөрә, Русија Силаһлы Гүввәләринин Баш Гәрарҝаһ рәиси Валери Ҝерасимов әмәлијјат бөлҝәсинә баш чәкдикдән сонра өлкә гүввәләринин хүсуси һәрби әмәлијјатын ҹәбһә хәттинин бүтүн истигамәтләриндә ирәлиләмәјә давам етдијини ачыглајыб.
Ҝерасимовун сөзләринә ҝөрә, јанвар ајынын әввәлиндән бәри Русија гүввәләри Украјнанын Рус халгынын јашадыглары әразиләриндә 17 јашајыш мәнтәгәсини вә 500 квадрат километрдән чох әразини азад едиб.
Русија Силаһлы Гүввәләринин Баш Гәрарҝаһ рәиси Шимал Дөјүш Групунун бир ај әрзиндә тәһлүкәсизлик кәмәрини ҝенишләндирмәк үчүн дөрд јашајыш мәнтәгәсини азад етдијини ачыглады.
Ҝерасимовун сөзләринә ҝөрә, Харков вилајәтиндәки Копјанск јахынлығындакы әразидә 800-ә гәдәр Украјна һәрбчиси мүһасирәјә алыныб.
О, Русија гүввәләринин Донетск вилајәтиндәки Рубтсы вә Красныј Лиман охларында уғурла ирәлиләдијини вә Дробышево, Јароваја вә Сосновје шәһәрләрини азад етмәк үчүн әмәлијјатлары баша вурдуғуну сөјләди.
Sizin rəyiniz