АБНА24 Хәбәр Верир, Ермәнистанын баш назири Никол Пашинјанын әлејһдарларынын Ирәвандакы күчә етиразлары давам едир. Мүхалифләр онун вәзифәсиндән кәнарлашдырылмасыны тәләб едирләр. Бу етиразлара рәһбәрлик едән он једди мүхалиф партијаја шамил олан Ермәнистан Гуртулуш Һәрәкаты нөвбәдәнкәнар парламент сечкиләринин кечирилмәси вә ҝәләҹәк баш назирин тәјин едилмәси илә мүхалифдир. Һөкумәтин вә һимајәдарларынын дедикләринә ҝөрә, бу тәләб әсас гануна зиддир. Азәрбајҹан Республикасы илә Ермәнистан арасында 44 ҝүнлүк Гарабағ мүһарибәсиндә ағыр мәғлубијјәтә уғрајан Ирәван сајсыз-һесабсыз сијаси-иҹтимаи проблемлә үзләшиб. Мүхалифләр Ермәнистанын һөкумәти вә баш назиринин бу проблемләрин јаранмасында мәсулијјәт дашыдыгларыны билдирирләр. Пашинјан һөкумәти әлејһдарларынын аксијаларынын кечирилдији бир һалда, Ермәнистандакы груп вә тәбәгәләрин бир чоху бу гәнаәтдәдир ки, әҝәр өлкәдә сијаси дәјишикликләр баш вермәлидирсә, бу дәјишикликләр әсас ганун чәрчивәсндә олмалыдыр вә күчә етиразлары јалныз өлкәнин сијаси вәзијјәтини даһа да мүрәккәбләшдирәҹәкдир.
342/
