АБНА24 Хәбәр Верир, Азәрбајҹан Республикасы Хариҹи Ишләр Назирлији бу барәдә мәлумат вериб ки, 4 декабр 2020-ҹи ил тарихиндә Франса Республикасынын Азәрбајҹан Республикасындакы сәфири Закари Грос Хариҹи Ишләр Назирлијинә (ХИН) чағырылыб. Ҝөрүшдә сәфирә 3 декабр тарихиндә Франса Милли Ассамблејасында гәбул едилмиш “Авропа вә Шәргин христиан иҹмалары вә ермәни халгынын горунмасы” адлы гәтнамә илә әлагәдар Азәрбајҹан Республикасы Хариҹи Ишләр Назирлијинин етираз нотасы верилиб. Франса сәфиринин диггәтинә бејнәлхалг һүгугун норма вә принсипләри, БМТ Низамнамәси, Һелсинки Јекун Акты, БМТ Тәһлүкәсизлик Шурасынын 1993-ҹү ил тарихли 822, 853, 874, 884 сајлы гәтнамәләринә зидд олан һәмин сәнәдлә бағлы гәти етираз чатдырылыб. Гејд едәк ки, Сенатын өтән һәфтә "Дағлыг Гарабағын танынмасынын зәрурилијинә даир" адлы гәтнамә гәбул етмәси илә бағлы да Азәрбајҹан Франсаја етираз нотасы вермишди.
342/
