АБНА24 Хәбәр Верир, мәлуматы БМТ-нин Хәбәрләр Хидмәти јајыб. Мәлуматда билдирилир ки, бу барәдә Үмумдүнја Сәһијјә Тәшкилатынын (ҮСТ) рәһбәри Тедрос Гебрејесус “Модерна” ширкәтинин истеһсал етдији ваксинләрин еффективлијини мүзакирә едәркән билдириб. Базар ертәси КИВ-дә ҝедән мәлуматына ҝөрә, Американын “Модерна” ширкәтинин експертләри тәрәфиндән јарадылмыш пејвәндин үчүнҹү, јәни сонунҹу, клиник сынаг мәрһәләси заманы онун еффективлијинин 94,5 фаиз тәшкил етдији мәлум олуб. Сынаглар заманы 95 нәфәрин коронавируса јолухмасы сәбәбиндән онлара пејвәнд әвәзинә пласебо тәјин едилиб. Хәстәлији ағыр формада кечирән 11 нәфәрин һамысынын нәзарәт групунда олан, јәни пласебо тәјин олунмуш пасијентләрдән ибарәт олдуғу билдирилир. Хатырладаг ки, өтән һәфтә “Пфизер” ширкәти “БиоНТеҹһ” адлы алман фирмасы илә бирҝә һазырладығы ваксинин мүсбәт тәсирә малик олдуғуну бәјан етмишди. Доктор Тедрос, һәмчинин билдириб ки, клиник сынаглар баша чатандан вә ваксин базара чыхарыландан сонра да, она гаршы мәһдудијјәт гојулаҹаг. “Тәклифә әввәлдән мәһдудијјәт тәтбиг едиләҹәк. Үстүнлүк илк нөвбәдә, тибб ишчиләринә, гоҹалара вә риск групуна дахил олан диҝәр категоријадан оланлара вериләҹәк. Бу, өлүм һалларынын сајыны азалтмаға вә сәһијјә системини дәстәкләмәјә имкан верәҹәк. Лакин бундан сонра вирусун јајылмасы үчүн даһа чох имканлар јаранаҹаг”, - дејә доктор Тедрос билдириб. О, ҮСТ-дә ваксинләрин еффективлији илә бағлы хәбәрләри “еһтијатлы никбинликлә” гәбул етдијини вә һазырда вәзијјәтин бир чох өлкәләрдә үрәкачан олмадығыны гејд едиб. “Бәзи өлкәләрдә хәстәләрин сајынын артмасы бизи чох нараһат едир. Авропада, Ҹәнуби вә Шимали Америкада сәһијјә системләри вә тибб ишчиләри бу саһәдә даһа чох чалышырлар”, - дејә доктор Тедрос вурғулајыб.
342/
