Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сентјабрын 26-да кечирилмәси планлашдырылан референдума етираз олараг АИП лидери Мөвсүм Сәмәдов артыг 11 ҝүндүр ки, аҹлыг аксијасына башлајыб.
ФактХебер.ҹом мәсәлә илә әлагәдар ҝәнҹ фәаллардан мүнасибәт өјрәниб.
Ваһид Азәрбајҹан Партијасынын сәдри Турал Аббаслы һәр бир вәтәндашын етираз һүгугу олдуғуну вурғулады: «Шәрләнәрәк һагсыз јерә һәбсә атылмыш Мөһсүн Сәмәдовун да етираз етмә һүгугу вар. Гејри-гануни һәбс ону етиразда мәһрум едә билмәз. Мән Мөвсүм Сәмәдову шәхсән таныјырам. Бир вахтлар ејни мүддәтдә Күрдәханы һәбсханасында идик вә хејли сөһбәтләримиз олмушду. Бахмајараг ки, бу ҝүн рәј јарадылыб, ҝуја онлар дөвләтчилик әлејһинә олан инсанлардыр, дөвләт гурулушун дәјишмәк истәјир, амма онлар да ади демократик гајдаларын олмасыны истәјән вә бунун уғрунда мүбаризә апаран инсанлардыр».
Ҝәнҹ фәал бир заманлар өзүнүн дә аҹлыг аксијасы кечирдијини хатырладараг бунун хүсусән һәбсдә чох ағыр олдуғуну билдирди: «Мөвсүм Сәмәдовун мүбаризәсини алгышлајырам. Амма елә шәраитдә аҹлыг аксијасынын кечирилмәсинин нә гәдәр ағыр олдуғуну да билирәм. 10 ҝүн бунун үчүн гыса мүддәт дејил. Һакимијјәт, дөвләт бу мәсәләни диггәтә алмалыдыр. Мөвсүм Сәмәдова да чағырыш едәрәк билдирмәк истәрдим ки, аҹлыг аксијасыны дајандырсын вә сәһһәтинә бундан артыг зијан вурмасын. Чүнки затән бу хәбәри бүтүн дүнја, ән азы Азәрбајҹанда һәр кәс билди вә аксијаларда мәгсәд дә бир һадисә барәдә информасијаларын јајылмасына сәбәб олмагдыр. Амма өзүнү дә горумалыдыр. Орда бир ҝүнлүк аҹлыг аксијасы инсанын илләрлә хәстәләнмәсинә сәбәб ола биләр.»
АХҸП Ҝәнҹләр Комитәсинин сәдри Илһам Һүсејн бу мәсәләләрә мүнасибәтләринин әввәлдән бирмәналы олдуғуну билдирди: «Биз бүтүн сијаси мәһбуслар кими Мөвсүм Сәмәдовун мүдафиәсинә галхмыш вә бу һәбси писләмишик. Буну сөз азадлығына, инсанларын дини етигадына гаршы бир аддым кими гијмәтләндирмишик. Мөвсүм Сәмәдов дәфәләрлә “карс”а салыныб. Биз буну писләјир, һөкумәтин нөвбәти ҹылыз аддымы кими гијмәтләндиририк. Һесаб едирик ки, АИП лидеринин “карс”а салынмасы онун һаглы мөвгејинә, принсипиаллығына ҝөрәдир вә һөкумәт нөвбәти дәфә бу јолла ондан гисас алыр. Әлбәттә ки, биз бирмәналы шәкилдә буну писләјир, Мөвсүм Сәмәдова азадлыг тәләб едирик. Үмумијјәтлә бүтүн сијаси мәһбуслара азадлыг тәләб едирик. Аҹлыг аксијасы дүнјада популјар олан етираз нөвүдүр, Сәмәдов да бу јолла етиразыны билдирир. Тәбии ки, истәмәздик ки, онун сәһһәтинә һәр һансы бир проблем јарансын. Аллаһдан она сәбир вә дөзүм истәјир, тезликлә азадлыға чыхмасыны арзулајырыг».
Д18 Һәрәкатынын сәдри Руслан Иззәтли исә билдирди ки, бу өлкә идеоложи вә сијаси бахышларындан асылы олмајараг һәр кәс һакимијјәтә гаршыдыр: “Чүнки һакимијјәт кимисә һәбс едәндә бунун диндар, ја атеист, солчу, јахуд сағчы олдуғуна бахмыр. Сон 3-4 илдә исә инанҹлы баҹы вә гардашларымыза гаршы һакимијјәтин башга сијасәти вар. Һәбс етмәкләри бир јана, онлары башга өлкәләрә дә бағлајырлар. Чалышырлар ки, өлкәдә «радикал Ислам», «террорчу Ислам» вар месажыны ҹәмијјәтә версинләр вә ҹәмијјәти бу авторитар сијасәтләри илә алдатсынлар. Амма шүкүрләр олсун ки, ҹәмијјәт һакимијјәтин сијасәтини маһијјәтини анлады. Мөвсүм бәјин референдум мәсәләсиндә ҝөстәрдији шүҹаәт вә ҹәсарәт тәбии ки, ҹәмијјәт тәрәфиндән алгышланыр вә Мөвсүм бәј бир тарих јазыр. Һакимијјәтин диндарлара гаршы апардығы саваш да бу һакимијјәтин дөврүндә ән утанҹвериҹи бир тарихдир. Сабаһ бу һакимијјәт әдаләт гаршысында јарғылананда, диндарларын ишинин һагг-һесабы сорушулаҹаг».
Аҹлыг аксијасы кечирән АИП лидери М.Сәмәдов вәкили илә ҝөрүшүндә билдириб ки, референдум актында Конститусијада нәзәрдә тутулан дәјишикликләрлә бағлы ајры бир етираз имканлары олмадығына ҝөрә јалныз аҹлыг аксијасы формасында дәјишикликләрә етираз едир.
Диггәт: Хәбәрдән истифадә етдикдә мәнбәјә истинад лазымдыр
