Әһли Бејт - АБНА – Хәбәр Аҝентлијинин вердији хәбәрә әсасән, Ајәтуллаһ шејх Иса Гасим дә дахил олмагла өлкәјә ганунсуз јолларла һаким кәсилмиш Хәлифә сүлаләсинин режими 47 Шиә алимини муһакимә едир.
Тәкҹә бу ҝүн 4 Һөҹҹәтүл Ислам вәл Мүслимин титуллу Шиә алимләри олан Сејјид Мәҹид әл-Мәшәл, Шејх Фазил әз-Заки, Сејјид Јасин әл-Мусәви вә Шејх Әзиз Хәдранын мәһкәмәләри кечириләҹәк.
Бундан әлавә өтән ҝүн кечирилән мәһкәмәдә Бәһрејн режими Һөҹҹәтүл Ислам вәл Мүслимин шејх Әли Һмејдан вә Сејјид Әли Әһмәд әл-Мусәвини һәр бирини бир ил мүддәтиндә азадлыгдан мәһрум едиб.
БМТ-ин Инсан Һүгуглары Тәшкилаты, Бејнәлхалг Әфв Тәшкилаты вә Авропа Иттифагынын Инсан Һүгуглары тәшкилатларындан Бәһрејн режиминин динҹ аксијалара вә Шиә алимләринә гаршы зоракы сијасәтини писләјән бәјанатлар верилиб.
Гејд едәк ки, Бәһрејн мухалифәти 2010-ҹу илин сонундан башлајан Әрәб Баһары дөврүндән индијә гәдәр һәмишә динҹ аксијаларын тәрәфдары олуб вә силаһлы үсјана вә мүгавимәтә әкс чыхыб. Амма буна бахмајараг, Бәһрејн режими һәр бир васитә илә сијаси ислаһатларын кечирилмәси вә сөз азадлыгларынын тәмин едилмәсини тәләб едән мухалифәт нүмајәндәләрини әсассыз иддиаларла һәбсини давам етдирир.
Диггәт: Хәбәрдән истифадә етдикдә мәнбәјә истинад лазымдыр
