Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бу ҝүн һиҹри-гәмәри тарихи илә рәҹәб ајынын 15-и, һәзрәти Зејнәбин (с.ә) вәфат ҝүнүдүр. Бу мүнасибәтлә АБНА сајтынын редаксија һејәти Имам Заман һәзрәтләри башда олмагла, онун һагг наиби Имам Хаменеи ҹәнабларына, Али Тәглид Мәрҹәләринә вә бүтүн дүнја мәзлумларына баш сағлығы верир.
Һәзрәти Зејнәбин Һәјатына Гыса Бахыш
Ханым Зејнәб (сәламуллаһи әлејһа) һиҹрәтин 6-ҹы илиндә дүнјаја ҝәлиб вә онун илк беш илиндә бөјүк бабасы Әзиз Ислам Пејғәмбәри илә (сәлләллаһу әлејһи вә алиһ) ејни заманда јашајыб вә һиҹрәтин 62-ҹи илиндә дүнјадан көчүб.
Тарихи фактлара әсасән, һәзрәти Зејнәб (сәламуллаһи әлејһа) дүнјаја ҝәләркән бөјүк бабасы һәзрәти Мәһәммәд (сәлләллаһу әлејһи вә алиһ) Пејғәмбәр дөјүшдә имиш вә мәһз буна ҝөрә һәзрәти Әли (әлејһи сәлам) онун адыны гојмур вә Пејғәмбәри (сәлләллаһу әлејһи вә алиһ) ҝөзләјир. Пејғәмбәр (сәлләллаһу әлејһи вә алиһ) дөјүшдән гајытдыгдан сонра Зејнәби өпүб гуҹаглајыр, ону атасына бәнзәдир вә ону “Зејнәб”, јәни "атасынын бәзәји вә зинәти" адландырыр.
Һәзрәти Зејнәб (сәламуллаһи әлејһа) гардашы Имам Һүсејнлә (әлејһи сәлам) бирликдә Ашура фаҹиәсиндә чијин-чијинә залым Језидә гаршы мүбаризә апарыб. Имам Һүсејнин (әлејһи сәлам) Шәһид едилмәјиндән сонра Шама әсир апарылан ханым Зејнәб (сәламуллаһи әлејһа) гардашынын гијамынын маһијјәтини, һәдәфини вә фәлсәфәсини лазымынҹа халга чатдырыб. Мәһз буна ҝөрәдир ки, һәзрәти Зејнәб (сәламуллаһи әлејһа) Имам Һүсејн (әлејһи сәлам) Ингилабынын вә Кәрбәла һәрәкатынын тамамлајыҹысы кими јад едилир.
Ханым Зејнәбин (сәламуллаһи әлејһа) мәгбәрәси Дәмәшгдә јерләшир. Суријада тәкфирчи вә радикал груплашмаларын тәҹүвүзү нәтиҹәсиндә бу мүгәддәс мәкан дәфәләрлә дағынтылара мәруз галыб. Ҝөрүнүр, елә 14 әср әввәл Кәрбәла фаҹиәсиндә Језид вә әлалтылары васитәсилә Әһли-бејтә гаршы апарылан вәһши сијасәт инди дә језидин варисләринин әли илә һәјата кечирилир.
Диггәт: Хәбәрдән истифадә етдикдә мәнбәјә истинад лазымдыр
