Әһли Бејт (әлејһимус сәлам) -АБНА- Хәбәр Аҝентлији- Бөјүк Ислам Алими Шејх Кулејни, Үсули-Кафи китабында гејд етдији кими һәзрәти Фатимә Зәһра (сәламуллаһи әлејһа) Мәккәдә Бөјүк Ислам Пејғәмбәри һәзрәти Мәһәммәд ибн Әбдуллаһын нурани евиндә бесәтдән (админ: Јәни Ислам Пејғәмбәринин пејғәбәрлијә тәјин едилдији ҝүндәндән) беш ил сонра Ҹәмадиул Сани ајынын 20-си (милади тарихи илә 614-ҹү илдә) Пејғәмбәрин 45 јашында дүнјаја ҝәлиб. Шиә вә Сүнни мәнбәләриндә дүнја вә ахирәт евинин ханымларынын ханымы һәзрәти Фатимәи Зәһранын (сәламуллаһи әлејһа) нүтфәсинин неҹә јарандығына даир һәдисләр ҝөрә һәзрәти Мәһәммәд Пејғәмбәр (сәлләллаһу әлејһи вә алиһ) Аллаһын әмри илә, гырх ҝеҹә заманәсинин ханымларына өрнәк олан, гијамәтәтәк Мөмүнләрин Анасы һәзрәти Ханым Хәдиҹәдән (сәламуллаһи әлејһа) узаг дурмуш, ибадәт вә оруҹла кечән 40 ҝүнүн ардындан вә Мераҹа чыхыб орада ҹәннәт јемәји, јахуд мејвәсиндән једикдән сонра ханым Хәдиҹәнин (сәламуллаһи әлејһа) јанына ҝәлмиш вә о шәкилдә һәзрәти Фатимәнин (сәламуллаһи әлејһа) нуру Хәдиҹәдә (сәламуллаһи әлејһа) гәрар гылынмышдыр.
Ханым Фатимәи Зәһра (сәламуллаһи әлејһа) Гурани Кәримдә
Ханым Фатимә (сәламуллаһи әлејһа) Ислам Пејғәмбәринин (с) әзиз гызы олмағыјла јанашы, Аллаһ тәрәфиндән дә тәриф едилән кәсдир. Белә ки, Көвсәр сурәси Онун шәниндә назил олмушдур: “Һәгигәтән, Биз сәнә Көвсәр бәхш етдик!” ајәси бир баша Ханым Фатимеји Зәһра (сәламуллаһи әлејһа) һаггындадыр.
Гуранда Әһзаб сурәсинин 33-ҹү ајәсинә әсасән Фатимеји Зәһра (сәламуллаһи әлејһа) Пејғәмбәр Әһлибејтинин нүмајәндәси кими ҝүнаһлардан пакдыр. “Һәгигәтән дә Аллаһ (ҹәллә ҹәлалуһ) сиз Әһлибејти бүтүн чиркинликдән (ҝүнаһы) узаг вә тәртәмиз (пак) едиб!”.
Аллаһ-таала мүгәддәс Гуранда Али-=Имран сүрәсинин 61-ҹи ајәсиндә бујурур:
«(Ја Пејғәмбәр!) Сәнә рисаләт ҝәлдикдән сонра, сәнинлә мүбаһисә едәнләрә де ки: «Ҝәлин ушагларымызы вә ушагларынызы, гадынларымызы вә гадынларынызы, биз өзүмүзү, сиз дә өзүнүзү чағыраг. Сонра дуа едиб дејәк: «Аллаһын ләнәти јаланҹылара олсун.»
Траихдә гејд олундуғу кими, Нәҹран христианларлндан ибарәт бир һејәт һәзрәт Пејғәмбәрин јанына ҝәлиб, пејғәмбәрлик (Иса Мәсиһ вә с.) һаггында онунла мүбаһисә вә мүҹадилә етмәк истәдиләр. Бу вахт Аллаһ-таала, јухарыдакы ајәни Пејғәмбәрә (с) назил едиб бујурду ки, Әли, Фатимә, Һәсән вә Һүсејни (ә) чағырыб, онларла бирликдә чөлә чыхсын. Христианлар дә өз нөвбәсиндә өзләри, ушаглары вә ханымлары илә бирликдә чөлә чыхсынлар, бирликдә дуа едиб Аллаһдан јалан дејәнләрә ләнәт диләсинләр.
Пејғәмбәрин (с) Әһли-бејтинин һәзрәти Әли, Фатимә, Һәсән вә Һүсејнин Аллаһ јанында олан һөрмәт вә әзәмәтини вә о ҹүмләдән Пејғәмбәр Әһли-бејти дејилдикдә јалныз гејд олунан бу беш нәфәрә аид олдуғу вә Пејғәмбәрин ханымларынын һәтта Исламын дирчәлиши уғрунда өз малы вә ҹанындан кечән јеҝанә ханымы һәзрәти Хәдиҹәји Күбранын (сәламуллаһи әлејһа) да бу ајәјә шамил олмадығыны ашкар едир.
Ханым Фатимәи Зәһра һәдисләрдә
Әбу Бәкрин гызы Аишәдән белә бир һәдис нәгл олунур: “Һал, һәрәкәт, давраныш, отурубгалхма бахымындан Фатимә гәдәр Рәсуллаллаһа даһа чох охшајан бир кәс ҝөрмәдим”.
Һәзрәти Мәһәммәд Пејғәмбәр (с): “Фатимә Ҹәннәт ханымларынын ханымыдыр”.
Диҝәр бир һәдисдә исә, Ислам Пејғәмбәри (с) гызынын Фатимә адландырылмасынын сәбәбини белә ачыглајыр: “Гызым она ҝөрә Фатимә адланыб ки, Аллаһтаала ону вә ону севәнләри оддан (Ҹәһәннәмдән) узаг едиб”.
Сонда АБНА сајтынын редаксија үзвләри тәрәфиндән бүтүн дүнја ханымларыны Аналара Ҝүнү мүнасибәти илә сәмими гәлбдән тәбрик едир вә сајтымызы изләјән һәр бир кәсә хош ҝүнләр узун вә бәрәкәтли өмүр арзу едирик!
Диггәт: Хәбәрдән истифадә етдикдә мәнбәјә истинад лазымдыр
