Әһли Бејт (әлејһимус сәлам) -АБНА- Хәбәр Аҝентлији- Түркчүлүк мифолоҝијасы илә јашајанлар вә бәзән дә, түрк сојкөкүнү гатышыг һесаб едәнләр мүхтәлиф халгларын түрк сојлу олмаларыны ара-сыра мәгалә вә китабларда јазмагла заман кечдикҹә инсанларын шүурунда түркчүлүјүн форлмалашмасына зәминә јарадырлар. Әлбәтдә түрк халгы да, диҝәр халглар кими нәҹиб вә шәрәфли олмуш, ејни заманда Ислам Дүнјасынын бөјүк бир һиссәсини тәшкил едир. Лакин бу кими сијасәтләр (түркләшмә вә түкүн түркдән башга дости јохдур) Ислам дүнјасыны парчаламаг үчүн әлбир олмуш јәһуди вә сионист христиан дүнјасы тәрәфиндән ҹызылмыш чүрүк планларын әсас һиссәсидир.
Белә ки, Алманија јәһудиләриндән олан профессор Б.В. Миллер Талышларын мәншәји илә бағлы ирәли сүрдүјү әсассыз мүлаһизәләри дә, бу гәбилдәндир. Б.В Миллерин мүлаһизәләриндән биринә ҝөрә, сүнни талышлар дилини итириб талышлашмыш түркләрдир (!). Онлар Орта Асијадан ҝәтирдикләри сүннилик мәзһәби илә бәрабәр, кичик фонетик дил хүсусијјәтләрини дә горујуб сахламышлар (!). Талышларын физики типинин мүхтәлифлији – дүзән вә мешәлик јерләрдә јашајанларын гарабуғдајы олмасы, дағлыг вә мешәсиз әразиләрдә исә бир гәдәр ағбәнизлији ола билсин ки, түркләрин талышлашмасынын вә онларла гајнајыб – гарышмасынын нәтиҹәсидир. Бу мүлаһизәләрин дүзҝүн олуб-олмадығыны мүәјјәнләшдирмәк талышларын һәртәрәфли өјрәнилмәси нәтиҹәсиндә мүмкүн олаҹагдыр. (Бах: Г.Савадов. Талышлар... С. 29-30).
Лакин јәһуди Б.В. Миллерин Талышларын мәншәји илә бағлы вердији ачыгламаларын сүстлүјү сүннүлүк мәзһәбинин мәһз Орта Асијадан Талыш әразиләринә ҝәтирилмәсиндән ајдын ҝөрүнүр...
ХIХ әсрдә јашамыш бәзи рус алмиләри талышларын әҹдадынын түркдилли олмасы вә онларын сонралар ирандилли тајфалар тәрәфиндән ассимилјасија едилмәси мүлаһизәсини ирәли сүрмүш, лакин бу мүлаһизәни тәсдиг едәҹәк әсаслы дәлилләр ҝөстәрә билмәмишләр. Бу да јәһудиләрин мәһз Ислам Дүнјасында икитирәлик салмасы наминә түркчүлүк идеолоҝијасынын формалашдырылмасы планынын бир һиссәси олдуғуну ҝөстәрир.
Филолоҝија елмләри доктору Әбүлфәз Рәҹәбов исә ҝөстәрир ки, талышларын әҹдады Кадуси, Ҝел вә Һиркан тајфаларыдыр. Ләнкәран рајонундакы Һиркан горуғу вә Һиркан мешәси һирканларын јашадығы јерләрдир. (Ә.Рәҹәбов. Талышлар. “Толыши сәдо” гәзети, 7. III, 1992).
Филолоҝија елмләри доктору Мәсуд Мәммәдовун да фикиринҹә, талышларын әҹдады кадусиләрдир. Лакин Астара рајонунун Ути, Мики вә Амбаран кәндләринин әһалиси Ути, Мики вә Апир (Апарн) тајфаларынын нәсилләридир вә антроположи гурулушларына ҝөрә, Талыш зонасы әһалисинин галан һиссәсиндән фәргләнирләр. Сакашон кәндинин ады исә Сак тајфасы илә бағлыдыр. (Бах: Азәрбајҹан ССР ЕА-нын Хәбәрләри. Јер һаггында елмләр сер., 1974,№ 6 , С.105-108).
Иран алимләриндән Мәһәммәд Һәсәнханын, Әһмәд Кәсрәвинин, Әли Әбдолинин , Азәрбајҹан тарихчиләриндән Гијасәддин Гејбуллајевин, Абдулла Фазилинин вә Сејидаға Онуллаһинин фикринҹә, талышларын әҹдады Кадуси тајфасыдыр. Онлара бу мүлаһизәни ирәли сүрмәјә әсас верән јеҝанә факт исә Кадуси тајфасынын јашадығы әразинин бир һиссәсиндә һазырда талышларын јашамасыдыр. Иран тарихчиси Һәсән Пирнија бу мүлаһизә илә бағлы јазмышдыр: “Кадусиләр Ҝиланда јашајан халг олмушлар. Бәзиләринә ҝөрә, онлар мүасир талышларын әҹдады имишләр. Кадус сөзү мүасир талуш, јахуд талыш сөзүнүн јунанлашмыш формасындан ибарәт олмушдур”. (Абдулла Фазили. Азәрбајҹанын гәдим тарихи мүасир Иран тарихшүнаслығында. Б. 1970. С.118).
Диггәт: Хәбәрдән истифадә етдикдә мәнбәјә истинад лазымдыр
