Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн Нәсими рајон мәһкәмәсиндә өтән ил нојабрын 26-да Бакынын Нардаран гәсәбәсиндә һүгуг-мүһафизә органлары әмәкдашларынын кечирдији ГАНУНСУЗ әмәлијјат заманы һәбс едилән Тале Бағыровун шикајәтинә бахылыб.
Просесдә һаким Бабәк Пәнаһов биләрәкдән шикајәтлә бағлы ҝөндәрилән сорғулара һәлә ҹаваб тәгдим едилмәдији үчүн просеси јенидән тәхирә салыб.
Нөвбәти мәһкәмә просеси февралын 19-а тәјин едилиб.
Хатырладаг ки, вәкил Ҹ.Ҹавадов Талеһ Бағыровла вәкилинин ҝөрүшмәсинә имкан верилмәмәси, “Һәбс јерләриндә сахланылан шәхсләрин һүгуг вә азадлыгларынын тәмин едилмәси һаггында” ганунда нәзәрдә тутулмуш һүгугларынын позулмасы, Баш Мүтәшәккил Ҹинајәткарлыгла Мүбаризә Идарәсинин (БМҸМИ) Мүвәггәти Сахланылма Тәҹридханасында 24 саатдан артыг сахланылмасы илә бағлы мәһкәмә нәзарәти гајдасында Нәсими Рајон Мәһкәмәсинә мүраҹиәт едилиб.
Диггәт: Хәбәрдән истифадә етдикдә мәнбәјә истинад лазымдыр
