Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Гондарма режим олан Гарабағдан олан фермер вә әкинчиләр Ирана сәфәр етмәјиб.”
Бу һагда Иран Ислам Республикасынын Бакыдакы сәфирлији Азәрбајҹан Хариҹи Ишләр Назирлијинә ҹаваб нотасында үнванланыб.
Мәлумата ҝөрә, Ермәнистан күтләви информасија васитәләриндә Азәрбајҹанын Ермәнистан тәрәфиндән ишғал олунмуш әразиләриндә јарадылмыш гондарма режимин фермер вә әкинчиләриндән ибарәт нүмајәндә һејәтинин 2015-ҹи илин октјабр ајында Иран Ислам Республикасына сәфәри вә Иран рәсмиләри илә ҝөрүшмәси барәдә мәлумат верилиб.
Азәрбајҹан Хариҹи Ишләр Назирлији тәрәфиндән дипломатик каналлар васитәсилә бу мәлумат арашдырылыб.
Иран Ислам Республикасынын Азәрбајҹан Республикасындакы сәфирлијиндән Хариҹи Ишләр Назирлијинә ҹаваб нотасы ҝәндәрилиб. Бурада гејд едилиб ки, гондарма режимин фермер вә әкинчиләриндән ибарәт нүмајәндә һејәтинин Ирана сәфәри вә бу өлкәнин рәсмиләри илә ҝөрүшмәси барәдә хәбәр һәгигәти әкс етдирмир. Ермәнистан КИВ-дә јајылан хәбәрләр тәкзиб олунуб.
Ермәни мәтбуатында јер алан мәлумата ҝөрә, сәфәр өтән илин октјабрын 15-дән 23-дәк давам едиб. Сәфәрин мәгсәди исә ИИР-ын кәнд тәсәррүфаты саһәсиндә әлдә етдији налијјәтләрлә танышлыг олуб.
Иддиаја ҝөрә онлар Теһран вә Ширазын мүхтәлиф әразиләриндә олублар. Сепаратчы режимин нүмајәндәләри илә Иран Ислам Республикасы арасында разылашма да әлдә едилиб. (!)
Диггәт: Хәбәрдән истифадә етдикдә мәнбәјә истинад лазымдыр
