Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ливанын Һизбуллаһ тәшкилатынын лидери Сејјид Һәсән Нәсруллаһ Сәудијјә режими тәрәфиндән нүфузлу Ислам алими Ајәтуллаһ Шејх Нимрин едам едилмәсини сәрт шәкилдә гынајыб.
Сејјид Һәсән Нәсруллаһ билдириб ки, Сәудијјә режими өзүнү далана салыб вә бүтүн әламәтләр онун сонунун јахынлашдығыны ҝөстәрир.
"Режимләр өз ағлыны итирәндә, бу ону ҝөстәрир ки, артыг далана дирәнибләр", - дејә Һизбуллаһ баш катиби билдириб.
"Артыг бу коррупсионер, ҹинајәткар, әдаләтсиз, тәкфирчи, террорчу режимин сонунун чатмасынын әламәтләри ҝөрсәнир. Бизим гардашларымызын гәтлә јетирилмәси, ганларымызын төкүлмәси онлара асан баша ҝәлмәјәҹәк вә онлар бундан горхдугларыны артыг ҝизләтмирләр", - дејә Сејјид Һәсән Нәсруллаһ билдириб.
Сејјид Һәсән Нәсруллаһ һәмчинин билдириб ки, Сәудијјә Әрәбистанында истәнилән нөв тәнгид гадағандыр вә бу өлкәдә диҝәр мәзһәбләрдән олан дин хадимләринә јер јохдур. "Орада ачыг тәнгид едән һәр кәс едам едилир. бу һәмин Сәудијјә Әрәбистаныдыр ки, реҝионда демократија јајмаг истәдијини иддиа едир".
"Шејх Нимр сөјләдикләринин архасында мәрд шәкилдә дајанырды. О, ислаһатчы бир шәхс иди. Әрәбистан јарымадасында инсанларын һүгугларыны мүдафиә едирди. Бу едамла Сәудијјә режими демәк истәјир ки, ким Али-Сәуда гаршы чыхса онун башы вурулаҹаг, ганы төкүләҹәк. Лакин, онлар буна наил ола билмирләр. Јәмәндә инсанлар һәгигәти демәјә вә зүлмә баш әјмәмәјә давам едирләр. Мартын сонларында Сәудијјә Јәмәндә тәҹавүзкарлығыны давам етдирир. 7500-дән чох инсан шәһид едилиб, 14 миндән чох инсан хәсарәтләр алыб", - дејә Нәсруллаһ билдириб.
"Бу ҝүн мүсәлман дүнјасында сүнниләрлә шиәләр арасында нифаг тохумларыны мәһз бу режим сәпир. Бу ҝүн дүнјада тәкфирчилик идеолоҝијасынын мәнбәји бу режим, бу аиләдир", - дејә Һизбуллаһ баш катиби әлавә едиб.
Диггәт: Хәбәрдән истифадә етдикдә мәнбәјә истинад лазымдыр
