Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Нардаран сакинләриндән верилән мәлумата ҝөрә, 26 Нојабр 2015-ҹи илдә полис зоракылығы заманы јараланан сакин Фәраһим Бүнјатов 3 сајлы шәһәр Клиник Хәстәханасына јерләшдириләндән сонра алдығы хәсарәт сәбәбиндән орада Шәһид олуб.
Гејд едәк ки, Шәһид Фәраһим Бүнјатов һадисә заманы полисләр тәрәфиндән өлдүрүлән Шәһид Рафаел Бүнјатовун гардашыдыр. Онларын һәр икиси илаһијјатчы јазар Әбулфәз Бунјатовун әмиси оғланларыдыр.
Билдирмәк лазымдыр ки, ганлы Нардаран һадисәсиндә полис тәрәфиндән автомат силаһлардан ачылан атәшләр вә атылан гумбаралар нәтиҹәсиндә Шәһид олан Аббас Һүсејн вә Сәрван Сәфәров әслән Масаллыдан олублар. Онларын ҹәназәләри өз рајонларына ҝөндәриләҹәк. Әкбәр Бабајев, Фәраһим вә Рәфаел Бүнјатов гардашларынын мејитләри исә Нардарана ҝәтириләҹәк.
Бәзи нардаранлылар исә Шәһид олан гәсәбә сакинләринин 3 дејил 5 нәфәр олдугларыны билдирирләр.
Һазырда гәсәбә сакинләри һәлак олмуш ҝәнҹләрин ҹәназәләринин тәһвил верилмәсини ҝөзләјирләр.
P.S: Нардаран Фаҹиәси заманы Шәһид оланларын сајынын артмасы еһтималы ирәли сүрүлүр.
Диггәт: Хәбәрдән истифадә етдикдә мәнбәјә истинад лазымдыр
