Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Пакистанын баш назири вә Иранын хариҹи ишләр назири Теһран вә Исламабад арасында әлагәләрин һәртәрәфли формада ҝенишләндирилмәсинә тәкид едибләр.
ИРНА-нын мәлуматына ҝөрә, Иранын хариҹи ишләр назири Мәһәммәд Ҹавад Зәриф Пакистана олан бирҝүнлүк сәфәри чәрчивәсиндә бу ҝүн Исламабадда Пакистанын баш назири Мәһәммәд Нәваз Шәриф илә ҝөрүшүб, икитәрәфли мәсәләләр вә реҝионал һадисәләр барәдә данышыб.
Иранын хариҹи ишләр назири вә Пакистанын баш назири ики өлкә әлагәләри, хүсусилә Иран вә 5+1 групу арасында нүвә анлашмасынын әлдә олунмасындан сонракы дөвр үчүн әмәкдашлыглар барәдә данышыглар апарыблар.
Зәриф беjнәлхалг Бинәзир Буһуто һава лиманына дахил олдуғу заман журналистләр гаршысында вердиjи ачыгламада Пакистана олан сәфәринин ән мүһүм мәгсәдини бу өлкә рәсмиләри илә мүхтәлиф әмәкдашлыг саһәләри, хүсусилә игтисадиjjат барәдә данышыгларын апарылмасы адландырыб.
Диггәт: Хәбәрдән истифадә етдикдә мәнбәjә истинад лазымдыр
