Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Фатимәнин (ә) оғлу, мүсәлманларын 3-ҹү имамы Һүсеjнин (ә) мөвлуд ҝүнүдүр
Бу ҝүн Пеjғәмбәримизин севимли нәвәси, Имам Әлинин (ә) вә Пеjғәмбәрин гызы Фатимәнин (ә) оғлу, мүсәлманларын 3-ҹү имамы Һүсеjнин (ә) мөвлуд ҝүнүдүрИмам Һүсеjн (ә) һиҹрәтин 4-ҹү илиндә Шабан аjынын 3-дә Мәдинә шәһәриндә дүнjаjа ҝөз ачыб.
Имам өмрүнүн алты илини бабасы Пеjғәмбәр илә кечириб. Пеjғәмбәрин вәфатындан сонра исә отуз ил атасы Әли (ә) илә jашаjараг онун бүтүн дәрдләринә, чәтинликләринә шәрик олмуш вә һәмишә атасыны мүдафиә етмишди. Атасынын шәһадәтиндән сонра гардашына рәсмән беjәт едиб, ону рәһбәр вә имам кими гәбул етмишди.
Имам Һәсән (ә) Мүавиjә тәрәфиндән шәһид едилдикдән сонра Әлинин (ә) 46 jашында олан икинҹи оғлу имам Һүсеjн (ә) хәлифәлик вә имамәт мәгамына jетишди. Лакин Һүсеjн (ә) илә әсһабы һиҹри 61-ҹи илин Мәһәррәм аjынын 10-да Кәрбәла адланан jердә Језид гошуну тәрәфиндән шәһид едилдиләр.
Имам Һүсеjндән (ә) сөз дүшдүкдә, адәтән Пеjғәмбәр өвладынын 57 иллик өмүр jолунун сонунҹу мәрһәләсинә диггәт jетирилир. Әлбәттә ки, Кәрбәлада баш верән һадисә нәинки Ислам үммәтинин, үмумиликдә бәшәриjjәтин тарихиндә дөнүш нөгтәси олду, лакмус кағызы ролуну оjнады. Һиҹрәтин 61-ҹи илиндә баш верән һадисәдән сонра мәһз бу фаҹиәjә мүнасибәтлә, Имам Һүсеjнә (ә) дост вә дүшмәнчиликлә jахшыны писдән, хеjири шәрдән аjырмаға башладылар. Пеjғәмбәр (с) сөjләдиjи бу кәламлар Адәм өвлады үчүн имам Һүсеjнин (ә), үмумиjjәтлә Әһли-Беjтин (ә) әһәмиjjәтиндән хәбәр верир: “Һүсеjн мәндән, мән дә Һүсеjндәнәм. Һәр ким Һәсән вә Һүсеjни севсә, мәни севиб. Һәр кәс онларла дүшмәнчилик етсә, мәнимлә дүшмәнчилик едибдир”.
Лакин артыг дилләр әзбәри олмуш “Һүсеjн мәктәби” ифадәси jүксәк амаллар, Аллаһ jолунда jалныз ҹандан кечмәк демәк деjил. Бу, Аллаһа севҝинин, садиглиjин нүмаjишинин сон, кулминасиjа нөгтәсидир. Имам Һүсеjн (ә) Кәрбәлаjа jетишмәк үчүн 57 иллик бир jол гәт етмишди. Амма һәjатынын һәр анында, һәр мәрһәләсиндә jахшылыға дәвәт едиб, писликдән чәкиндирмишди. Васитәләр исә мүхтәлиф олмушду: мәктублар, моизәләр, нәсиһәтләр. Имам Һүсеjнин (ә) һәjатынын бүтүн мәрһәләләри гәһрәманлыг вә сүҹаәт мәктәбидир. Әсирләр боjу формалашан әнәнәjә уjғун олараг, Әһли-Беjтдән (ә) сөз дүшдүкдә, һәр имамы фәргли сималарда тәсвир едирләр: Имам Ҹәфәр Садиг (ә) – елм чешмәси, Имам Сәҹҹад (ә) – камил ибадәт еталону, Имам Һәсән (а) – сонсуз сәбр нүмунәси, Имам Һүсеjн (ә) – рәшадәт вә сүҹаәт тәҹәссүмү. Һалбуки, бу мәсумлары бири-бириндән нә иләсә фәргләндирмәк чох бөjүк jанлышлыгдыр. Диҝәр имамлар имам Һүсеjндән (ә) һеч дә ҹәсурлугда ҝери галмаjыблар. Еjни заманда, имам Һүсеjн (ә) дә Әһли-Беjтин (ә) диҝәр нүмаjәндәләриндә олан хүсусиjjәтләри өзүндә еһтива едиб. Јәни, әҝәр диҝәр имамлар гылынҹла шәһид едилмәjибләрсә, бу о демәк деjил ки, онларын буна гәтиjjәтләри jетмәди, вә әксинә. Имам Һүсеjнин (ә) Кәрбәлада шәһид едилмәси тәшәббүсү һеч дә онун өзүндән гаjнагланмырды. Имамымыз камикадзе деjилди. Буну анламаг үчүн садәҹә имамын Кәрбәлада сөjләдиjи ҹүмләләрә диггәт jетирмәк кифаjәтдир: “Еj дүнjа әһли! Билин ки, мүһарибәни мән башламадым вә гылынҹа биринҹи мән әл атмадым. Ҹинаjәткарлар нәслиндән олан Језид адлы бир мурдар мәни ики шеjдән бирини сечмәjә вадар етди: jа гылынҹ чәкиб диними вә шәрәфими мүдафиә етмәли, jа да зилләт вә алчаглыға боjун әjмәлиjдим”. Әҝәр имам Рза (а) Хорасанда Мәмунун она вердиjи зәһәри ичдисә, Имам Һүсеjн (ә) дә Кәрбәлада гылынҹ вә низәләри сечди.
Һүсеjн (ә) вә тәрәфдарлары шәһидлиjә jетишдиләр. Бунунла да ҝәләҹәк нәсилләрә өрнәк олдулар, бир исмарыҹ jолладылар: “Зилләтә боjун әjмәjин! Дизи үстә jашамагданса, аjаг үстә өлмәк jахшыдыр!”. Амма бу ҝүндә бир даһа тәкрарламаг истәрдик: әҝәр диҝәр имамларымыз дөjүш меjданында шәһид едилмәjибләрсә, бу һеч дә онларын зилләтә баш әjмәләри анламына ҝәлмир.
Бүтүн дүнjа мүсәлманларыны имам Һүсеjнин (ә) мөвлуду мүнасибәтиjлә тәбрик едирик, онлара һәjатларынын һәр чағында Һүсеjн (ә) идеалларыны jашатмағы диләjирик!
Диггәт: Хәбәрдән истифадә етдикдә мәнбәjә истинад лазымдыр
