Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Ингилабынын Бөjүк Рәһбәри Фарс Көрфәзинин тәһлүкәсизлиjинин саһилjаны өлкәләр тәрәфиндән горунмасына тәкид едәрәк, деjибләр: Тәһлүкәсиз Фарс Көрфәзи һамы үчүн тәһлүкәсиздир, тәһлүкәсизлиjи олмаjан Фарс Көрфәзинин һеч ким үчүн тәһлүкәсизлиjи jохдур.
Иран Ислам Ингилабынын Бөjүк Рәһбәри Һәзрәт Аjәтуллаһулузма Хаменеи шәнбә ҝүнү Бесәт баjрамы, һәзрәт Мәһәммәд(с.ә.с)-ин пеjғәмбәрлиjә тәjин олунмасынын илдөнүмү ҝүнү мүнасибәтилә Иран рәсмиләри вә Ислам өлкәләринин Теһрандакы сәфирләри илә ҝөрүшдә деjибләр: Бу ҝүн ҹаһиллик Ислам дининин зүһур етдиjи дөврдә олдуғундан даһа ҝүҹлү вә jүзләрлә дәфә даһа тәһлүкәли формада заһир олуб. Әлбәттә, бу ҝүн Ислам да тәҹһиз олунуб вә бир чох васитәләрлә дүнjада ҝениш формада jаjылыб.
Иран Ислам Ингилабынын Бөjүк Рәһбәри әлавә едибләр: Реҝион вә Ислам өлкәләри илә дүшмән оланларын сиjасәти Ислам өлкәләрини бир-бириләри илә горхутмагдыр. Хәjали дүшмән jарадараг, һәгиги дүшмәнләр олан һеҝемончулар, онларын әлалтылары вә сионистләрин диггәтдән кәнарда галмаларына шәраит jарадырлар. Бу сиjасәтләрә гаршы чыхмаг, ҹаһиллик илә мүбаризә апармаг демәкдир.
Иран Ислам Ингилабынын Бөjүк Рәһбәри әлавә едибләр: Реҝион халглары аjылыблар. Ислами Оjанышы мүвәггәти олараг jатырдыблар. Амма оjаныш вә бәсирәт jатырдыласы деjил. Ислам Үммәтинин түкәнмәз гүдрәтини унутмаг олмаз.
Һәзрәт Аjәтуллаһулузма Хаменеи әлавә едибләр: Империализмин хәбисликлә jанашы олан сиjасәтләри өз мәнафеjини тәмин етмәк үчүн васитәчи мүһарибәләр төрәтмәкдир. Биз, Фарс Көрфәзи һөвзәсиндә jерләшән өлкәләр, ортаг мараглара маликик. Тәһлүкәсиз Фарс Көрфәзи һамы үчүн тәһлүкәсиздир, тәһлүкәсизлиjи олмаjан Фарс Көрфәзинин исә һеч ким үчүн тәһлүкәсизлиjи олмаjаҹаг.
Иран Ислам Ингилабынын Бөjүк Рәһбәри минләрлә инсанын өлүмүнә вә jараланмасына jол ачан Әрәбистанын Јәмәнә олан тәҹавүзләринә ишарә едәрәк, деjибләр: Биз мәзлумлары һимаjә едәҹәjик. Һәтта, Мәккә мүшрикләри белә, һарам аjда мүһарибәни даjандырырдылар. Амма бу ҝүн Рәҹәб аjында Јәмәнли аиләләри гәмлә боғурлар. Јәмән вә Бәһреjн халглары мәзлумдурлар. Фәләстин халгы хроники мәзлумлуға дүчар олуб.
Һәзрәт Аjәтуллаһулузма Хаменеи әлавә едибләр: Тәәссүфләр олсун ки, Јәмәндә ҹинаjәтләр вә гырғынлар өзүнү мүсәлман адландыран өлкәләр тәрәфиндән төрәдилир. Амма онлар алданыблар. Терроризмин баниси вә һимаjәдары, Америкадыр. Иран терроризм илә мүбаризә етди вә она ағыр зәрбәләр ендирди. Бундан сонра да белә олаҹаг.
Иран Ислам Ингилабынын Бөjүк Рәһбәри Иран Ислам Республикасынын баҹардығы гәдәр мәзлумлары һимаjә едәҹәjини вурғулаjыб вә Ислам өлкәләри башчылары вә халгларына хитабән деjибләр: Буҝүнкү ҹаһиллик илә мүбаризә апармаг олар.
Диггәт: Хәбәрдән истифадә етдикдә мәнбәjә истинад лазымдыр
