Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Кибермәкан үзрә Али Шурасынын үзвү вә өлкәнин Милли Кибермәкан Мәркәзинин рәһбәри доктор Сејјид Мәһәммәд Әмин Ағамири ону мүшајиәт едән нүмајәндә һејәти илә бирликдә Үмумдүнја Әһли-Бејт (ә) Ассамблејасынын баш катиби Ајәтуллаһ Рза Рамазани илә ҝөрүшүб.
Ајәтуллаһ Рамазани ҝөрүшүн әввәлиндә Ассамблејанын медиа имканларына тохунараг дејиб: “АБНА Хәбәр Аҝентлији 27 дилдә фәалијјәт ҝөстәрән Үмумдүнја Әһли-Бејт (ә) Ассамблејасынын мүһүм медиа имканларындан биридир вә бу хәбәр аҝентлијинин һәр дили өзү ајрыҹа хәбәр аҝентлијидир.
О, билдириб: “Әрәбҹә јајымланан Сәглајн Шәбәкәси Үмумдүнја Әһли-Бејт (ә) Ассамблејасынын диҝәр медиа имканларындан биридир вә бу шәбәкә мүхтәлиф өлкәләрдә аудиторијаја маликдир.”
Милли Кибермәкан Мәркәзинин рәһбәри доктор Сејид Мәһәммәд Әмин Ағамири виртуал һәјат тәҹрүбәсини тәгдим етмәји зәрури һесаб едиб.
О, ајдынлыг ҝәтирәрәк билдириб: “Әҝәр ҹәлбедиҹи һәјат тәҹрүбәси кибермәкан васитәсилә ҝениш иҹтимаијјәтә тәгдим олунарса, бу, бизим үчүн бир үстүнлүк олаҹаг вә дискурс вермәк үчүн ән ваҹиб васитә һәјат тәҹрүбәсинин өтүрүлмәсидир. Белә олан һалда биз виртуал һәјат платформасы илә нүмунәви ҹәмијјәт јарада биләрик.”
Милли Кибермәкан Мәркәзинин рәһбәри кибермәканла мәсафәләрин даралмасы илә бағлы вердији ачыгламада билдириб: “Кибермәкан бүтүн дүнјада инсанлар арасындакы ҹоғрафи мәсафәләри арадан галдырыб вә бу, бизим үчүн әла фүрсәтдир, лакин диггәтли олмасаг, зәрәр верә биләр.”
Sizin rəyiniz