Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Али Тәглид Мәрҹәләриндән олан Ајәтуллаһ Узма Сејид Әли Систанинин дәфтәрханасы вердији бәјанатда Папа Франсискин вәфаты илә бағлы дәрин тәәссүф һисси кечирәрәк, бүтүн дүнјадакы Католик Килсәсинин ардыҹылларына башсағлығы вериб.
Бәјанатда дејилир:
“Папа Франсиск бир чох халглар арасында јүксәк мәнәви статуса малик иди, сүлһүн вә толерантлығын тәшвигиндә, дүнјада зүлмә мәруз галанлар вә мәзлумларла һәмрәјлик ифадәсиндәки ҝөркәмли ролуна ҝөрә һамы тәрәфиндән һөрмәтлә гаршыланырды.”
Бәјанатда һәмчинин дејилир:
“Папа Франсиск вә Ајәтуллаһ Систани арасында Нәҹәф Әшрәфдә кечирилән тарихи ҝөрүш һәр ики тәрәф үчүн иманын әсас ролуну вурғуламаг мәгсәдилә әламәтдар һадисә олду.
Һәзрәт Ајәтуллаһ Узма Систани һәмчинин динҹ јанашы јашама мәдәнијјәтини ҝүҹләндирмәк, зоракылыг вә нифрәтдән чәкинмәк, мүхтәлиф динләрин вә интеллектуал мејлләрин ардыҹыллары арасында һүгуглара һөрмәт вә гаршылыглы һөрмәт әсасында инсанлар арасында һармонија дәјәрләринин бәргәрар олмасы үчүн сәјләрин бирләшдирилмәсинин ваҹиблијини вурғулајыб.”
Гејд едәк ки, бу ҝүн 21, 04, 2025 тарихиндә Ватикан Рома Папасы Франсискин 88 јашында вәфат етдијини рәсмән елан едиб.
Sizin rəyiniz