Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ајәтуллаһ Сејид Јасин Мусәви ҹүмә намазы хүтбәләриндә дүнјанын ән мүһүм игтисади вә сијаси мәсәләләрини арашдырараг, Доналд Трампын рәһбәрлик етдији АБШ-ын сон сијасәтләринин глобал игтисадијјата, хүсусән дә инкишаф етмәкдә олан вә јохсул өлкәләрә тәсирини ачыглајыб.
О, Трампын јени игтисади тарифләри тәсдиг етмәсинә тохунараг гејд едиб: Бу сијасәтләр Американын игтисади үстүнлүјүнү мөһкәмләндирмәк үчүн нәзәрдә тутулуб вә инкишаф етмәкдә олан өлкәләри асылылыг дөврәсиндә сахлајараг, Авропа вә Чинин игтисадијјатларыны зәифләдә биләр.
Бағдад Имам Ҹүмәси һәмчинин хәбәрдарлыг едиб ки, бу сијасәтләр ҹәмијјәтләрин сабитлијинин әсасыны тәшкил едән орта тәбәгәјә бирбаша мәнфи тәсир едир вә мөвҹуд игтисади систем зәнҝинләрлә јохсуллар арасында ҝенишләнән учурума тәкан верир...
Нәҹәф Елми Һөвзәсинин танынмыш Иран Ислам Республикасынын Гәрб тәрәфиндән игтисади блокадаја алынмасына тохунараг әлавә едиб: Бу ҝүн долларын дәјәри јүз мин түмәнә чатыб, лакин буна бахмајараг, Иран өз халгы үчүн габагҹыл инфраструктур вә ҝениш хидмәтләр ҝөстәриб. Тәәссүф ки, Гәрб вә Әрәб медиасы фактлары тәһриф етмәклә Иран халгы арасында үмидсизлик јајмаға чалышыр.
О, чыхышынын башга бир һиссәсиндә сијаси просесләри тәһлил едәрәк вурғулајыб: Америка һөкумәтләри девирмәк вә јени бөһранлар јаратмагла Гәрби Асијанын хәритәсини дәјишдирмәк әзминдәдир вә сионист режимдән бу мәкирли мәгсәдини һәјата кечирмәк үчүн бир аләт кими истифадә едир.
О, һәмчинин Гәзза, Јәмән вә Суријада ҝәрҝинлијин артмасына ишарә едәрәк, Түркијә вә сионист режимин Суријанын бәзи һиссәләрини ишғал етмәкдә вә өлкәдә јени мүнагишәләр јаратмагда дағыдыҹы ролуну тәнгид едиб.
Ајәтуллаһ Мусәви АБШ-ын Јәмәнә һүҹумларына тохунараг, АБШ-ын Јәмәндәки һәрби стратеҝијасыны уғурсузлуг кими гијмәтләндирәрәк дејиб: Америкалылар ракет зәрбәләри илә Јәмәнин мүдафиәсини мәһв едә биләҹәкләрини дүшүнүрдүләр, лакин бу миссијада тамамилә уғурсуз олдугларыны тез анладылар. Бу уғурсузлугдан сонра онлар Јәмәнин АБШ һәрби донанмасына һүҹумунун гаршысыны алмаг үчүн Ираны һәдәләмәјә башладылар. Амма билинмәлидир ки, Американын Ирана гаршы һәрби тәһдидләри сәмәрәсиздир, чүнки Ислам Республикасы елә бир чәкиндириҹи ҝүҹә маликдир ки, Американын реҝиондакы базаларыны вә сионист режимини мәһв едә биләр.
Sizin rəyiniz