Иранын хариҹи ишләр назири вә БМТ баш катибинин һуманитар мәсәләләр үзрә мүавини вә фөвгәладә јардым координатору Мартин Гриффитс чәршәнбә ахшамы Теһранда Сурија, Јәмән, Әфганыстан вә Украјна өлкәләриндәки һуманитар вәзијјәт дә дахил олмагла, үмуми нараһатлыг доғуран мәсәләләри мүзакирә едибләр.
Һүсејн Әмир Абдуллаһиан Русија илә Украјна арасындакы мүнагишә илә бағлы Иран Ислам Республикасынын принсипиал мөвгеләрини изаһ едәрәк, вурғулајыб: "Иран мүһарибәдә һеч бир тәрәфә һәрби јардым ҝөстәрмир, мүһарибәни һәлл јолу һесаб етмир вә Украјна да дахил олмагла бүтүн өлкәләрин милли суверенлији вә әрази бүтөвлүјүнү дәстәкләјир".
Хариҹи ишләр назири Иран Ислам Республикасынын бир нечә милјон әфган гачгын вә мигранты гәбул етмәсинә тохунараг, онларын еһтијаҹларынын өдәнилмәси үчүн мүвафиг инфраструктурун јарадылмасында БМТ тәрәфиндән дәстәк верилмәсинин зәрурилијини вурғулајыб.
Иҹласда Мартин Гриффитс дә Иранын хариҹи ишләр назиринә һуманитар мәсәләләрлә бағлы сәјләри барәдә мәлумат вериб вә Әфганыстан вә Украјнадакы һуманитар вәзијјәтлә бағлы өз фикирләрини ачыглајыб.
342/
