Иранын Азәрбајҹан Республикасындакы кечмиш сәфири бејнәлхалг иҹтимаијјәтин Илһам Әлијевин ачыгламаларыны гәбул етмәдијини билдириб.
Мөһсүн Пакајин ИСНА Аҝентлијинә вердији мүсаһибәдә дејиб: “Биз Азәрбајҹан президентинә алдығы сәһв мәлуматлар әсасында ачыглама вермәмәји төвсијә едирик”.
Теһрандакы сәфирликдә баш верән инсидентдән сонра Азәрбајҹан президенти Әлијевин Ирана гаршы иддиаларыны дәјәрләндирәрән сабиг дипломат сонра гејд едиб: “Ҝөрүнүр, Әлијевә өлкә дахилиндә Иран Ислам Республикасына гаршы олан бәзи үнсүрләрин, еләҹә дә сионист Исраил режими кими бәзи хариҹи даирәләрин тәлгинләринин тәсири алтына дүшүб вә бу мәсәләни ики өлкә мүнасибәтләриндә сијаси мәсәлә кими сахламаға чалышыр”.
Онун сөзләринә ҝөрә, Иранын һакимијјәт органлары сәфирлијә һүҹуму дәрһал писләдиләр вә бу һәрәкәтин јанлыш бир һәрәкәт олдуғуну билдирдиләр; лакин һеч бир террор актындан сөһбәт ҝедә билмәз вә һүҹумда сијаси мотив олмајыб, һәтта Азәрбајҹанын сионист режимдән башга ән јахын мүттәфигләри белә, бунун террор акты олдуғуну гәбул етмәдиләр.
Кечмиш сәфир вурғулајыб ки, бејнәлхалг иҹтимаијјәт Әлијевин ачыгламаларыны гәбул етмир. Мәһкәмә истинтагыны вә онун нәтиҹәсини ҝөзләмәк вә сонра мөвге билдирмәк лазымдыр.
Пакајин гејд едиб: “Биз бу һадисәнин ики өлкә арасында мүнасибәтләрә мәнфи тәсир ҝөстәрмәсинә имкан вермәмәлијик, Әлијев Иран вә Азәрбајҹан мүнасибәтләриндә дүјүн јаратмаға чалышмамалыдыр. Һесаб едирәм ки, Теһранла Бакы арасында мүнасибәтләрин сојуглуғу Азәрбајҹан Республикасынын зијанынадыр. Ән мүдрик гәрар одур ки, Әлијев мүнасибәтләри нормаллашдырсын вә ҝүнаһкарын ҹәзаландырылмасы илә бағлы мәһкәмә органларынын ҹавабыны ҝөзләсин”.
Сабиг дипломат вурғулајыб: “Әлијевин ачыгламаларындан ҝөрүнүр ки, о, гәзәблидир вә гејри-тәбии вәзијјәтдә мөвге тутур. Һалбуки ән јахшы мөвге тәмкинли олмаг вә ејни заманда Иранда ҝедән истинтагын нәтиҹәсини ҝөзләмәкдир”.
342/
