Авропа Парламентинин витсе-президенти Катарина Барлеј Украјнанын јахын ҝәләҹәкдә Авропа Иттифагына дахил олмасы еһтималыны рәдд едиб.
"Украјнаја сүрәтлә Авропа Бирлијинә үзв олмаг үчүн намизәд статусунун верилмәси тамамилә гејри-ади һадисә иди", - дејә Катарина Барлеј билдириб.
Барлеј әлавә едиб: "Украјна Авропа Иттифагына үзвлүк үчүн диҝәр намизәдләрин бүтүн шәртләрини јеринә јетирмәлидир. Бу шәртләрә һүгуги, игтисади вә сијаси мејарлар дахилдир. Амма бүтүн бу үч саһәдә Украјна лазым оландан узагдыр".
Бу елә бир һалдадыр ки, АБШ Дәниз Пијадалары Корпусунун тәгаүдчү кәшфијјат забити Скотт Риттер бир мүсаһибәдә билдириб ки, Вашингтон Украјнаја танклар вермәклә Кијевә дәстәк ҝөрүнтүсү јарадыр вә репутасијасыны горумаға чалышыр.
АБШ Ордусунун тәгаүдчү забити Абрамс танкларынын тәдарүкүнү садәҹә олараг, сијаси өртүк һесаб едиб.
"Артыг һамы Украјнанын мәғлубијјәтинин гачылмаз олдуғуну баша дүшүр. АБШ Президенти Ҹо Бајден һәр шеји билир, Мүдафиә Назири Ллојд Аустин вә Сулливан да һәр шеји билирләр. Онлар һәр шејин битдијини чох јахшы билирләр, она ҝөрә дә Америка халгынын ҝөзүнүн ичинә бахыб Украјнаја көмәк етмәк үчүн әлләриндән ҝәләни етдикләрини сөјләмәк үчүн имкан јарадырлар, лакин бу кифајәт етмир", - дејә Риттер билдириб.
Скотт Риттерин сөзләринә ҝөрә, АБШ рәсмиләри өз пассивлијини өрт-басдыр етмәк үчүн Русијаны Америка халгына горхулу ҝөстәрмәјә чалышырлар.
О, вурғулајыб: "Биз әслиндә Украјнаја көмәк етмәјә чалышмырыг. Биз Украјнаны вә Украјна ордусуну өз мәгсәдләримизә гурбан вердик".
Сон мәлумата әсасән, Русија Мүдафиә Назирлији бу ҝүн сон 24 саат әрзиндә 200-ә јахын Украјна һәрбчисинин өлдүрүлдүјүнү вә бу өлкә ордусунун онларла силаһ-сурсатынын мәһв едилдијини ачыглајыб.
342/
