Мәлуматлара әсасән, тәјјарәдә 68 сәрнишин вә 4 екипаж үзвү олуб. Непал рәсмиләри ҝүнортајадәк 60-дан чох ҹәсәдин тапылдығыны вә бөјүк еһтималла сәрнишинләрдән һеч биринин сағ галмадығыны билдирибләр.
Похара Непалын икинҹи ән бөјүк вә ән издиһамлы шәһәридир вә демәк олар ки, өлкәнин мәркәзиндә сәккиз мин метрлик зирвәләри олан дағлыг әразидә јерләшир.
Бу шәһәр алпинистләр вә дағлыг әразиләрлә мараглананлар үчүн чох ҹәлбедиҹидир вә һәмишә чохлу сајда хариҹи турист вә идманчыја ев саһиблији едир.
Һиндистанын АНЫ хәбәр аҝентлији Непал Һава Јоллары рәсмиләринә истинадән хәбәр верир ки, гәзаја уғрајан тәјјарәдә чохлу сајда хариҹи сәрнишин дә олуб.
Бу мәлумата ҝөрә, тәјјарәдә Непал, Русија, Һиндистан вә Ҹәнуби Корејадан олан сәрнишинләрлә јанашы, Австралија, Арҝентина, Ирландија вә Франса өлкәләринин һәр бириндән ән азы бир нәфәр дә олубдур.
342/
