Сионист режимин дахили тәһлүкәсизлик назири Итамар Бен Гвир сионист һәрбчиләрә ишғал олунмуш әразиләрдә иҹтимаи јерләрдә Фәләстин бајрағынын галдырылмасынын гаршысыны алмаг .мри вериб.
Бен Гвирин бу гәрары өтән һәфтәнин сонунда Ара гәсәбәсиндә әсир Кәрим Јунсисин азад едилмәси үчүн фәләстинлиләрин гејд етмәләри заманы Фәләстин бајрағынын галдырылмасындан сонра верилиб.
ҺӘМАС сөзчүсү Әбдүл-Ләтиф әл-Гану дејиб: "Сионист дүшмәнин Фәләстин милли кимлијинин символларыны мәһв етмәк үчүн әввәлки бүтүн һәрәкәтләри кими , бу ҹәһд дә уғурсуз олаҹаг".
Әл-Гану Фәләстин бајрағынын вәтәнин бүтүн мејданларында далғаланараг, Фәләстин халгынын варлығынын вә тарихи торпагларына бағлылығынын символу, еләҹә дә бу халгын ишғалчы вә ҹинајәткар сионист дүшмән гаршысында мүбаризәдә милли кимлији вә бирлијинин шаһиди олараг, галаҹағыны вурғулајыб.
Өз нөвбәсиндә, "Фәләстин Ислами Ҹиһад" һәрәкатынын сөзчүсү Давуд Шәһаб исә дејиб: "Исраил ишғалчы бир режимдир вә бунун ән ҝүҹлү сүбуту онун мөвҹудлуғунун ганунилијини сүбута јетирмәк үчүн дәлил ахтарышы илә јашамаға давам етмәсидир".
О, әлавә едиб: "Фәләстин халгы вәһши ишғалчынын сијасәтләринә бојун әјмәјәҹәк, ишғалчы һөкумәт вә полисин һәјата кечирдији репрессија вә һәдә-горху тәдбирләринә тәслим олмајаҹаг".
Бен Гвир базар ҝүнү фәләстинли мәһбуслара даһа чох тәзјиг ҝөстәрмәк үчүн Кнессет (сионист режим парламенти) үзвләринин онларла ҝөрүшүнү ләғв едиб.
Бен Гвирин сионист режимин баш назири Бенјамин Нетанјаһунун кабинетиндә олмасы ишғал олунмуш әразиләрдә вә бөлҝәдә ҝәрҝинлији артырыб.
342/
