Русија ХИН-ин мәлуматында дејилир: Ҹәнуби Гафгаз үзрә 3+3 форматынын икинҹи иҹласында Ермәнистан, Азәрбајҹан, Ҝүрҹүстан, Русија, Түркијә вә Иран иштирак едәҹәкләр.
Русија Хариҹи Ишләр Назирлијинин МДБ өлкәләри үзрә 4-ҹү департаментинин рәһбәри Денис Гончар бу барәдә ТАСС-а билдириб ки, һазырда тәшкилати ишләр давам етдирилир. “Биз ҝөрүшүн јахын ајларда баш тутаҹағыны ҝөзләјирик. Бүтүн иштиракчыларын әһвал-руһијјәсинә әсасән, Ҝүрҹүстана да дәвәт ҝөндәрилә биләр”, - дејә дипломат билдириб.
3+3 форматында илк ҝөрүш 2021-ҹи илдә Москвада хариҹи ишләр назирләри сәвијјәсиндә кечирилиб. Лакин Ҝүрҹүстан иҹласдан имтина едиб вә иштирак етмәјиб.
Гончар әлавә едиб ки, 3+3 мәсләһәтчи реҝионал платформасынын иштиракчы өлкәләри гаршылыглы фајдалы әмәкдашлығынын ҝенишләндирилмәсиндә мараглыдырлар.
Хатырладаг ки, 2021-ҹи илин декабрында кечирилән илк иҹласда үмуми мараг доғуран мөвзулар - тиҹарәт-игтисади, нәглијјат, мәдәни-һуманитар әлагәләрин инкишафы вә тәһдидләрлә мүбаризә мәсәләләри барәдә гәрар гәбул едилиб.
ХИН рәсмиси билдириб ки, Русија реҝионун транзит потенсиалындан истифадәјә хүсуси өнәм верир вә нәглијјат маршрутларынын бәрпасы буна өз төһфәсини верәҹәк.
Гончар әлавә едиб ки, енержи саһәсиндә бирҝә иш перспективләри дә бөјүк мараг доғурур.
“Белә әмәкдашлыг чохтәрәфли реҝионал әлагәләрин гурулмасы јолу илә реҝионда етимадын мөһкәмләнмәсинә төһфә верәҹәк вә Ермәнистан-Азәрбајҹан вә Ермәнистан-Түркијә нормаллашма просесләринин дәстәкләнмәсинин сүтунларындан биринә чевриләҹәк”, - Гончар билдириб.
342/
