Һүсејн Әмир-Абдуллаһијан Теһранда Владимир Макеј илә бирҝә мәтбуат конфрансында Русијанын Украјна мүһарибәсиндә Иран пилотсузларындан истифадә етмәсинә даир иддианы рәдд едиб вә Украјна башчыларындан, малик олдуглары истәнилән сәнәди елан етмәләрини истәјиб.
Әмир-Абдуллаһијан һәмчинин Авропанын сон ҝүнләр атдығы гејри-конструктив аддымлары тәнгид едиб. Билдириб ки, бу ҝүн Иран Ислам Республикасынын Хариҹи Ишләр Назирлијинин сәккиз авропалы органа вә он ики авропалы шәхсә гаршы санксијалары барәдә јени сијаһысы елан олунуб.
Иранын хариҹи ишләр назири билдириб ки, бу шәхсләр баш вермиш һадисәләрдә террор вә зоракылыға тәшвиг вә дәстәк нүмајиш етдирибләр вә бу ҹәһәтдән, террорчу сајылырлар.
Әмир-Абдуллаһијан һәмчинин Макејлә икитәрәфли иҹласын кечирилмәсинә ишарә едиб. Билдириб ки, ики өлкә сүрәтлә өзәл вә дөвләт разылашмаларынын иҹрасы истигамәтиндә гәрар тапыб.
Беларусун хариҹи ишләр назири Владимир Макеј дә бу мәтбуат конфрансында тиҹарәт вә игтисадијјат саһәләриндәки һәмкарлыглары Иран-Беларус данышыгларынын меһвәрләриндән адландырыб вә дејиб ки, Беларус биртәрәфли санксијалара гаршыдыр, зира өлкәләрә гаршы бир игтисади терроризм баш вермәкдәдир.
342/
