Иран Ислам Республикасынын илк баш консулу Муртуза Абидин-Вәрамин ҹари илин сентјабрында Иранын Ермәнистандакы сәфири Аббас Бәдәхшан-Зүһуринин һүзурунда өз тәјинедилмә һөкмүнү Ермәнистанын хариҹи ишләр назири Арарат Мирзојана тәгдим етди.
Иранын хариҹи ишләр назири дүнән ахшам јүксәк сәвијјәли сијаси нүмајәндә һејәтилә Ирәван һава лиманына дахил олду вә Ермәнистан хариҹи ишләр назиринин мүавини Менатсакан Сәфәрјан тәрәфиндән гаршыланды.
Әмир-Абдуллаһијан Ирәвана дахил оларкән мүхбирләр гаршысында Ермәнистанла узунмүддәтли һәмкарлыглар сәнәди вә планынын ҹызылмасындан хәбәр верди вә деди ки, Иран Ислам Республикасы әҹнәбиләрин бу бөлҝәдә, о сырадан Азәрбајҹан вә Ермәнистан республикаларындакы иштиракына гаршыдыр.
Иранын хариҹи ишләр назири һәмчинин өз ермәни һәмкары илә ҝөрүшдә Гафгаз бөлҝәсинин чәтин бир шәраити архада гојмасына ишарә илә, деди: Гафгаз өлкәләринин әрази бүтөвлүкләринә һөрмәт, бир принсип олмалыдыр вә Иран, хариҹи гүввәләрин бөлҝәдәки иштиракларындан олан ниҝаранчылығыны ачыг шәкилдә билдирибдир.
Әмир-Абдуллаһијан һәмчинин Ермәнистан хариҹи ишләр назири илә бирҝә мәтбуат конфрансында дејиб: Иран реҝионда һәр һансы ҝеополитик дәјишиклијә дөзмәјәҹәк вә ону өзүнүн гырмызы хәтти билир вә онун гаршысыны алмаға чалышаҹаг.
342/
