Базар ҝүнү ахшам саатларында Бир сыра анти-ингилабчы үнсүрләр сон бир нечә һәфтәдә шаһиди олдуғумуз вәһшиликләрин давамында Иранын Лондондакы сәфирлијинин бинасына дырмашараг, Ислам Республикасынын бајрағына һөрмәтсизлик етмиш, сәфирлијин панкарты вә шүшәсинә дә зијан вурмушлар.
Лондон полиси елан едиб: "Октјабрын 9-у базар ҝүнү ахшам саат 18:30 радәләриндә бир груп Иран сәфирлијинә јахынлашыб. Ики нәфәр өн гапынын үстүндәки ејвана чыхыб, бајрағы ҝөтүрүб вә алтернатив бајраг гурашдырыблар. Бу заман башгалары бинанын фасадыны дағытмаға чалышырдылар".
Лондон полисинин билдирдијинә ҝөрә, сәфирлик бинасына зијан вурдугларына ҝөрә беш киши, зоракы иғтишашлар төрәтмәк вә полисә һүҹум етмәк иттиһамы илә үч киши вә бир гадын һәбс едилиб.
Иран сәфирлијинин мүвәггәти ишләр вәкили Меһди Һүсејни Мәтин ИРНА хәбәр аҝентлијинә вердији мүсаһибәдә, дејиб: "Иран Ислам Республикасынын бајрағы јенидән өз јериндә гурашдырылыб".
Мараглыдыр ки, антиингилабчы үнсүрләрин ики һәфтә әввәл Иран сәфирлијинин бинасына һүҹуму вә бунун нәтиҹәсиндә бир сыра иғтишашчыларын һәбсиндән сонра сәфирлик рәсмиләри бир нечә дәфә ев саһиби өлкәнин тәһлүкәсизлик тәдбирләринин вә вәзифәләринин Вјана Конвенсијасы чәрчивәсиндә, артырылмасынын зәрурилији барәдә хәбәрдарлыг едибләр. Лакин Британија сәлаһијјәтлиләри бу мөвзуда һәлә дә сәһләнкарлыг едирләр.
342/
