АБШ Сенатынын Бејнәлхалг Әлагәләр Комитәсинин сәдри Боб Менендез Азәрбајҹан Республикасынын һәрби ҹинајәтләр төрәтдијн иддиа едәрәк бу дөвләти писләјиб.
“Мән Азәрбајҹан әсҝәрләринин силаһсыз ермәниләрә гаршы төрәтдији едам вә иддиа олунан һәрби ҹинајәтләри писләјирәм. Биз Азәрбајҹанын Ермәнистана гаршы сон һүҹуму заманы төрәтдији һәр бир вәһшилијә ҝөрә әдаләтә наил олмалыјыг”,- дејә АБШ Сенатынын Бејнәлхалг Әлагәләр Комитәсинин сәдри билдириб.
АБШ-ын Ермәнистандакы сәфирлији дә бәјанат јајараг гејд едиб ки, һәр һансы бир вәһшиликдә ҝүнаһкар оланлар мәсулијјәтә ҹәлб олунмалыдыр.
Азәрбајҹана гаршы кампанија чәрчивәсиндә јајылан бәјанатда дејилир: “Азәрбајҹан әсҝәрләри тәрәфиндән силаһсыз ермәни һәрби әсирләрин едам едилмәси илә бағлы сон хәбәрләр бизи дәриндән нараһат едир. Биз там вә гәрәзсиз арашдырмаја чағырырыг”, – дејә сәфирлијин ҹавабында дејилир.
АБШ Сәфирлијинин бәјанатында һәмчинин билдирилир: “Кечән ајын һүҹуму заманы әсир ҝөтүрүләнләрин, еләҹә дә бүтүн диҝәр әсирләрин дәрһал вә гејд-шәртсиз ҝери гајтарылмасы давамлы сүлһүн әлдә едилмәси истигамәтиндә мүһүм аддымдыр”.
342/
