СәһәрАзәри-нин мәлуматына әсасән, бу ил Имам Һүсејнин (ә) Әрбәини сентјабр ајынын 17-ә тәсадүф едир вә кронавирус бөһранындан сонра гуру сәрһәдләринин илк дәфә ачылдығыны нәзәрә алараг, иранлы зәвварларын бу ил Әрбәин ҝјүрүшүндә иштирак етмәк үчүн бөјүк һәвәси вар.
"Әл-Әһд" каналынын вердији мәлумата ҝөрә, Ираг медиалары бу ҝүн билдирибләр ки, Ирагын ҹәнубундакы Бәсрә вилајәтиндә Имам Һүсејн (ә) Әрбәини зәвварларынын јүрүшүнә Иран Ислам Ингилабы Кешикчиләри Корпусу СЕПАҺ-ын "Гүдс" гүввәләринин шәһид команданы Һаҹы Гасим Сүлејмани вә Ирагын Һәшдүш-Шәби Тәшкилатынын командир әвәзинин шәкилләри илә зинәт верилиб.
Мәлумата әсасән, Бәсрәдәки Ҹәнуб Мәдәнијјәт-Ислам Мәркәзи бу јүрүшү тәшкил едиб вә бу јүрүшдә иштирак едәнләр Ирагын Һәшдүш-Шәби шәһидләринин вә Нәср командирләринин шәкилләрини өзләри илә дашыјырлар.
Ирагын Ҝөмрүк Тәшкилатынын директору Әла Әл-Гејси Зәрбатијјә вә ја Меһран вә Шәләмчә сәрһәдләриндән 44 мин иранлы зәвварын Ирага дахил олдуғуну ачыглајыб.
Бу ираглы рәсми даһа сонра Имам Һүсејн (ә) Әрбәини зәвварларынын ҝәлиши үчүн Зәрбатијјә, Шәләмчә, Әл-Мүнзиријјә вә ја Хосрәви сәрһәдләринин, еләҹә дә Нәҹәфи Әшрәф һава лиманынын нәзәрдә тутулдуғуну билдириб.
Онун сөзләринә ҝөрә, зәвварларын ҝәлиши һәр ан артыр вә өтән саатларда јүзләрлә иранлы Әл-Мүнзәријјә сәрһәдиндән Ирага дахил олуб вә јахын 72 саат әрзиндә минләрлә инсанын бу сәрһәддән Ирага дахил олаҹағы ҝөзләнилир.
342/
