СәһәрАзәри-нин мәлуматына әсасән, Самир Поладов дејиб ки, минатәмизләмә ишләри приоритет олараг әсас нәглијјат јолларында, мүһүм инфраструктур биналарында, әсас рајон вә кәндләрдә апарылыр.
Диггәтә чатдырылыб ки, минатәмизләмә әмәлијјатларынын уғурла давам етмәси кечмиш мәҹбури көчкүнләрин өз торпагларына гајытмасы просеси вә мүнагишәнин тәсиринә мәруз галмыш әразиләрин сосиал-игтисади инкишафына мүсбәт тәсир ҝөстәрәҹәк.
"Индијәдәк үмумиликдә 49 мин 395,3 һектар әрази миналардан тәмизләниб, миналар вә партламамыш һәрби сурсатлар ашкар едиләрәк зәрәрсизләшдирилиб. Һәмчинин миналарын партламасы нәтиҹәсиндә 240 мүлки вә һәрбчи һәлак олуб вә ја јараланыб, - дејә о билдириб.
Хатырладаг ки, Азәрбајҹан Республикасынын азад олунмуш әразиләрдә бәрпа ишләри апармасыны вә әһалинин өз доғма јурдуна гајытмасы просесинә башламсыны ҹидди көлҝәјә салан миналанмыш әразиләрин дәгиг хәритәсинин Ермәнистан тәрәфиндән тәһвил верилмәмәси, Бакыда ҹидди нараһатлыг доғурур.
Азәрбајҹан Республикасынын хариҹи ишләр назири Ҹејһун Бајрамов бир мүддәт әввәл журналистләрә ачыгламасында билдирмишди ки, индијә кими Ермәнистан тәрәфиндән тәгдим олунан мина хәритәләринин дәгиглик фаизи чох ашағыдыр. Һәмин хәритәләрин дәгиглији тәхминән 25 фаиздир.
Онун сөзләринә ҝөрә, Ермәнистан тәрәфиндән тәгдим олунан јени мина хәритәләри мүтәхәссисләр тәрәфиндән тәһлил едилир. Бунун үчүн заман лазымдыр. Бунунла да аҹы фаҹиәләрин гаршысыны алмаг мүмкүн олаҹагдыр.
342/
