АБНА24 Хәбәр Верир , Абидин Хүррәм Тәбриздә кечирилән Азәрбајҹан Республикасынын Милли Ҝүнү мәрасиминдә бу өлкәнин мүстәгиллијинин илдөнүмүнү тәбрик едиб вә белә дејиб: Иран вә Азәрбајҹан Республикасынын халгларыны тарихи, дил вә дини ортаглыглар бирләшдирир. Елә буна ҝөрә, Азәрбајҹан Республикасы Иран Ислам Республикасынын хариҹи сијасәтиндә хүсуси јерә маликдир.
Иран Ислам Республикасы дини етигадлардан илһамланмагла даима Азәрбајҹан Республикасынын мүстәгиллији, суверенлији вә әрази бүтөвлүјүнү дәстәкләјиб- дејә, Иранын Шәрги Азәрбајҹан вилајәтинин валиси билдириб.
Хүррәм әлавә едиб: Өтән отуз ил әрзиндә Иранын мөһтәрәм халгы Азәрбајҹан Республикасынын халгы вә һөкумәтинә әлиндән ҝәлән јардымы әсирҝәмәјиб. Бу дәстәкләрин бариз нүмунәси, Гарабағ мүһарибәләри заманы өзүнү ҝөстәрди.
Хүррәм һәмчинин дејиб: Ики өлкә арасында мүхтәлиф әмәкдашлыг сәнәдләри бағланыб вә икитәрәфли мүнасибәтләр үчүн һүгуги әсаслар гојулуб.
342/
26 may 2022 - 10:32
Xəbər kodu: 1261085
Иранын Шәрги Азәрбајҹан вилајәтинин валиси вурғулајыб: Иран вә Азәрбајҹан Республикасы реҝионал анлашмалар чәрчивәсиндә јахшы анлашмалара маликдирләр вә бу мәсәлә реҝионун сүлһү вә сабитлијиндә бөјүк тәсир бурахыбдыр.
