АБНА24 Хәбәр Верир , Рәҹәб Тәјјиб Әрдоған Исвеч вә Финландијанын Анкара илә јекдил оаҹағы тәгдирдә онларын НАТО-ја үзвлүјүнүн дәстәкләнәҹәјини дилә ҝәтириб.
Әрдоған НАТО-нун баш катиби Јенс Столтенберглә телефон данышығы заманы дејиб ки, Түркијә Финландија вә Исвечин НАТО-ја дахил олмасыны о шәртлә дәстәкләјәҹәк ки, Һелсинки вә Стокһолм тәһлүкәсизлик мәсәләләриндә Анкара илә һәмрәј олдугларыны ачыг шәкилдә билдирсинләр.
“Әҝәр Исвеч вә Финландија әсас мәсәләләрдә, хүсусән дә “террорла мүбаризә”дә мөвгеләринин Түркијәјә бәнзәдијини ачыг шәкилдә нүмајиш етдирмәсәләр, Анкара бу өлкәләрин НАТО-ја үзвлүјүнә мүсбәт реаксија вермәјәҹәк”, - дејә Әрдоған билдириб.
Әрдоған бәјанатында вурғулајыб ки, Түркијә алјансын “ачыг гапы сијасәтини сәмимијјәтлә дәстәкләјир”, лакин Исвеч вә Финландијанын үзвлүк иддиасынын нәтиҹәси онларын Түркијәнин “һәјати милли тәһлүкәсизлик марагларына” мүнасибәтиндән асылыдыр.
Даһа әввәл "Финанҹиал Тимес" нәшри јазыб ки, Түркијә Финландија вә Исвечин НАТО-ја үзв олмаг үчүн мүраҹиәтә бахылмасы просесинин башланмасына мане олуб.
Бу арада Исвечин баш назири Магдалена Андерссон Әрдоғанла телефон сөһбәтиндән сонра вердији ачыгламада ПКК-нын террорчу тәшкилатлар сијаһысына салынмасыны ачыг шәкилдә дәстәкләдикләрини билдириб.
Һөкумәт башчысы дөвләт телевизијасынын ефириндә дејиб: "Түркијә президенти илә сөһбәт заманы Исвечин бејнәлхалг террорла мүбаризәни алгышладығыны вурғуладым. Бу мүбаризәдә ПКК-нын террорчу тәшкилатлар сијаһысында олмасыны ачыг шәкилдә дәстәкләдијими билдирдим”, -дејә
О, һәмчинин “Тwиттер” һесабында јазыб: “Түркијә президенти Әрдоған илә Исвечин НАТО-ја үзвлүјү илә бағлы буҝүнкү ҝөрүшү јүксәк гијмәтләндиририк. Сүлһ, тәһлүкәсизлик вә террорла мүбаризә дә дахил олмагла икитәрәфли әлагәләримизи ҝүҹләндирмәји сәбирсизликлә ҝөзләјирик”.
342/
23 may 2022 - 15:03
Xəbər kodu: 1260105
Түркијә президенти Исвеч вә Финландијанын НАТО-ја дахил олмасыны дәстәкләмәк үчүн шәртләри ачыглајыб.
