Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, әлијевләр режиминин танынмыш мамароза продүсери Тәранә Сәмәдова ики ҝүн әввәл Нәсими рајону әразисиндә наркотикә ҝөрә сахланылараг аидијјәти үзрә полис бөлмәсинә апарылыб.
Бу заман Т.Сәмәдова полисә мүгавимәт ҝөстәрәрәк табе олмамаға чалышыб.
Онун барәсиндә Инзибати Хәталар Мәҹәлләсинин 206-ҹы (Ганунсуз олараг наркотик васитәләрин, психотроп маддәләрин истеһлакы, сатыш мәгсәди олмадан шәхси истеһлак мигдарында һазырланмасы, әлдә едилмәси, сахланылмасы, дашынмасы вә ја ҝөндәрилмәси) вә 535-ҹи (Полис ишчисинин вә ја һәрби гуллугчунун гануни тәләбинә гәсдән табе олмама) маддәси илә протоколлар тәртиб едилиб вә бахылмасы үчүн Нәсими Рајон Мәһкәмәсинә ҝөндәрилиб.
Әлијевләр мәһкәмәсинин гәрарына әсасән, Т.Сәмәдованын барәсиндә садәҹә 400 манат мәбләғиндә ҹәримә едилиб вә азад бурахылыб.
Хатырладаг ки, апрелин 27-дә Т.Сәмәдова барәсиндә Инзибати Хәталар Мәҹәлләсинин 510-ҹу (Хырда хулиганлыг) вә 535.1-ҹи (Полис ишчисинин вә ја һәрби гуллугчунун гануни тәләбинә гәсдән табе олмама) маддәләри илә протоколлар тәртиб едилмиш, әлијевләрин Абшерон Рајон Мәһкәмәси онун барәсиндә 200 манат мәбләғиндә ҹәримә кәсимишди.
Гејд едәк ки, Т.Сәмәдова 2019-ҹу илдә әлијевләр режиминин Дахили Ишләр Назирлијинин Инсан Алвери үзрә Мүбаризә Идарәси тәрәфиндән сахланылыб. Истинтаг органы тәрәфиндән онун барәсиндә Ҹинајәт Мәҹәлләсинин 243.1-ҹи (ҝәлир вә ја диҝәр фајда әлдә етмәк мәгсәди илә фаһишәлијә ҹәлбетмә) маддәси илә иттиһам елан едилиб.
Режимин Нәриманов Рајон Мәһкәмәсинин һөкмү илә Т.Сәмәдова 1 ил мүддәтинә азадлыгдан мәһрум едилиб. Онун барәсиндә олан полис нәзарәтиндә гәтимкан тәдбири һәбс гәтимкан тәдбири илә дәјишдирилиб вә мәһкәмә залында һәбс олунуб. Али Мәһкәмәнин гәрары илә МАМАРОЗА Т.Сәмәдова азадлыға бурахылыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
