АБНА24 Хәбәр Верир , Һәзрәт Ајәтуллаһүл-үзма Хаменеи бу ҝүн өлкәнин һәр јериндән ҝәлән ишчи груплары илә ҝөрүшдә, бу ҝөрүшүн мәгсәдинин онлары гијмәтләндирмәк, тәшәккүр етмәк вә ишин өзүнүн дәјәрини вурғуламаг олдуғуну билдириб вә Исламын "ишчијә" вә "Иш" мөвзусуна бахышына тохунараг, бујурублар: "Капиталист гурулушунун истисмарчы бахышы вә дағылмыш коммунист гурулушунун шүар характерли бахышынын әксинә олараг, Исламын фәһләјә бахышы тәгдир вә дәјәрә сөјкәнир вә буна ҝөрә дә Ислам Пејғәмбәри (с) фәһләнин әлләриндән өпүрләр.
Ислам Ингилабынын Алимәгам Рәһбәри ишчиләрин һәрби, игтисади вә сијаси саһәләрдә парлаг милли мотивасијаларына тохунараг, гејд едибләр ки, һәрби саһәдә ишчиләрин мотивасијасынын бариз нүмунәси Мүгәддәс Мүдафиә дөврүндә 14 мин ишчинин шәһид олмасыдыр вә әҝәр бир даһа һәрби мәсәлә баш верәрсә, фәһлә иҹмасы мүтләг өн сыраларда олаҹаг.
О Һәзрәт, һәмчинин игтисади саһәдә фәһләләрин милли мотивасијалары һаггында әлавә едибләр: "Игтисади саһәдә Ислам Ингилабынын әввәлиндән вә сон илләрдә санксијаларын сәртләшдирилмәси илә өзүнү даһа габарыг шәкилдә ҝөстәрән, бдүнја империализминин әсас сијасәтләриндән бири өлкәнин истеһсалыны ифлиҹ вәзијјәтә салмаг олуб, лакин ишчиләр өн ҹәбһәдә мүгавимәт ҝөстәрәрәк, буна имкан вермәдиләр вә истеһсал хејмәсинин әсас сүтуну олдулар.
342/
10 may 2022 - 10:14
Xəbər kodu: 1256269
Иран Ислам Ингилабынын Алимәгам Рәһбәри фәһләләри истеһсалын әсас сүтуну адландырыблар вә онларын дүшмәнлә мүбаризәдә өн сыраларда олдугларыны билдирибләр.
