Ислам Ингилабынын Бөјүк Рәһбәри Һәзрәт Ајәтуллаһулузма Хаменеи бу ҝүн Теһранда Суријанын президенти Бәшшар Әсәд вә ону мүшајиәт едән нүмајәндә һејәтилә ҝөрүшдә Суријанын сијаси вә һәрби мејданлардакы бөјүк уғурларына ишарә илә дејибләр: Буҝүнкү Сурија мүһарибәдән габагкы Сурија дејил. О заман харабалыглар олмаса да, Суријанын һөрмәти вә етибары һазырда кечмишдәкиндән гат-гат чохдур вә һамы бу өлкәјә бир гүдрәт кими бахыр.
“Бу ҝүн Суријанын президенти вә халгы реҝион халгларынын јанында башыуҹадырлар”- дејә, Һәзрәт Ајәтуллаһулузма Хаменеи билдириб вә вурғулајыблар: Бәзи реҝион өлкәләринин башчылары сионист режимин башчылары илә ҝөрүшүр, бир-бириләрилә гәһвә ичирләр, амма елә һәмин бу өлкәләрин халглары Гүдс ҝүнүндә күчәләри инсанлар вә анти-сионист шүарларла долдурурлар вә бу, реҝионун буҝүнкү реаллығыдыр.
Ислам Ингилабынын Бөјүк Рәһбәри һәмчинин шәһид ҝенерал-лејтенант пасдар Гасым Сүлејманинин хатирәсини јад едиб вә белә сөјләјибләр: О мөһтәрәм шәһидин Суријаја хас бир тәәссүбү варды вә сөзүн әсл мәнасында, о, фәдакарлыг едирди. Онун Суријадакы рәфтары Иранын 8 иллик Мүгәддәс Мүдафиәсиндәки рәфтарындан фәргләнмирди.
О һәзрәт әлавә едибләр: Шәһид Сүлејмани вә Сепаһ-ын диҝәр ҝөркәмли шәхсијјәтләри, о сырадан шәһид Һәмәдани доғрудан да ҹанла-башла сәј ҝөстәрир вә Сурија мәсәләсинә бир вәзифә вә мүгәддәс бир мәсәлә кими бахырдылар.
Һәзрәт Ајәтуллаһулузма Хаменеи һәмчинин өтән илләрдә Сурија илә гаршы ҹәбһәдә дуран бәзи өлкәләрин һазырда достлуг вә мәһәббәт ифадә етмәләринә ишарә илә әлавә едибләр: Өтән тәҹрүбәләрдән ҝәләҹәк курсу ајдынлашдырмаг лазымдыр.
Ислам Ингилабынын Бөјүк Рәһбәри Сурија президентинин јүксәк әһвал-руһијјәсинин бөјүк ишләрин ҝөрүлмәсинә зәмин јаратдығыны билдирибләр.
Иранын халгы вә дөвләтинин мөвге вә һимајәләринә ҝөрә миннәтдарлыг ифадә едиб, шәһид Сүлејманинин хатирәсини јад едән Сурија президенти дә сөјләјиб: Иранын өтән гырх илдә реҝион мәсәләләриндә, хүсусән дә Фәләстин мәсәләсиндәки дајаныглы мөвгеји вә мүгавимәти бүтүн реҝион халгларына ҝөстәрди ки, Иранын јолу, дүзҝүн вә принсипиал бир јолдур.
Сурија президенти Бәшшар Әсәд Ислам Ингилабынын Бөјүк Рәһбәри вә Иран президенти илә ҝөрүшдән сонра Теһрандан Суријанын пајтахты Дәмәшгә јола дүшүб.
342/
9 may 2022 - 10:43
Xəbər kodu: 1256026
Ислам Ингилабынын Бөјүк Рәһбәри Сурија халгы вә һөкумәтинин мүгавимәти вә бејнәлхалг бир мүһарибәдә галиб ҝәлмәләринин бу өлкәнин башыуҹалығы вә етибарынн артмасына зәмин јаратдығыны билдирибләр.
