АБНА24 Хәбәр Верир , Исраилин јени јәһуси гәсәбәләри салмаг һагда гәрары бир даһа сионист һөкумәт илә мүһаҹирләр арасында иш бөлҝүсү олдуғуну ортаја гојмушдур; белә ки, мүһаҹирләр Мәсҹидүл-Әгсанын тәдриҹән дағыдылмасы мәсулијјәтини өз үзәринә ҝөтүрмүшләр вә сионист режим гуруҹулуг вә инкишаф ады алтында өз сијаси базаларыны ҝүҹләндирир. Бу арада Америка президенти Ҹо Бајденин сәфәри өнҹәси бу гәрарын ачыгланмасы һәм дә о демәкдир ки, гәсбкар режим Бајден вә онун Демократ Партијасыны Доналд Трампын кечмишдә ҝөрдүкләри истигамәтә јөнәлтмәк истәјир.
Мараглыдыр ки, АБШ, Авропа Иттифагы, Бирләшмиш Милләтләр Тәшкилаты вә Русијадан ибарәт дөрдлүк һәлә бир нечә ил әввәл Исраил илә Фәләстин Мухтаријјәти арасында данышыглар просесинин нәтиҹәси олараг Иордан Чајынын Гәрб Саһилиндә Фәләстин дөвләтинин јарадылмасы илә разылашыблар. Һәмчинин БМТ Тәһлүкәсизлик Шурасынын 242 вә 338 сајлы гәтнамәләриндә сионист режимин 1967-ҹи илдә ишғал олунмуш әразиләрдән, о ҹүмләдән Иордан Чајынын Гәрб Саһили вә Шәрги Гүдсдән гејд-шәртсиз ҝери чәкилмәси тәләб олунур. Бу гәтнамәләр БМТ-нин онларла диҝәр гәтнамәләри илә бирликдә Фәләстин дөвләтинин формалашмасы үчүн һүгуги дәстәк верир.
Лакин 1967-ҹи ил мүһарибәсинин сон ҝүнләриндән башлајараг сионистләр бөлҝәнин демографик вәзијјәтини дәјишмәк стратеҝијасыны һәјата кечирәрәк сателлит шәһәрҹикләр јаратмагла Фәләстин дөвләтинин гурулмасыны әнҝәлләмишләр вә һәмин ишғал планыны бу ҝүн дә давам етдирирләр, Гүдс шәһәри исә дөрд тәрәфдән әһатәјә алынараг, Фәләстин әразиләринин галан һиссәсиндән фактики олараг ајырылыр.
Бу стратеҝијанын мәгсәди әразиләрдә мәһдуд да олса Фәләстин дөвләти јаратмаг имканынын гаршысыны алмаг вә ејни заманда режимин Гүдс шәһәри үзәриндә һөкмранлығыны тәкмилләшдирмәкдир.
Белә бир шәраитдә сионист режим мүһаҹирләрин мәскунлашдырылмасы сијасәтини давам етдирмәклә дүнјаја месаж верир ки, бу режим галан Фәләстин бөлҝәләринә ҝөз тикиб вә јашајыш массивләри салмагла аддым-аддым ирәлиләјир. Әсас мәгсәд Фәләстин дөвләтинин јарадылмасыны әнҝәлләмәк вә фәләстинли гачгынларын ҝери гајытмасына мане олмагдыр. Ән әсасы исә, Гүдс шәһәрини Иордан Чајынын Гәрб Саһилинин галан һиссәсиндән ајырмаг иргчи режимин амбисијаларына дахилдир. Анҹаг бу хәмир һәлә чох су апараҹаг вә Исраил үчүн асан баша ҝәлмәјәҹәк, зира һазырда Фәләстин Мүгавимәтинин ҝүҹләнмәси сионистләрин мәшум планыны фиаскоја уғрадан әсас амилә чеврилиб.
342/
9 may 2022 - 10:42
Xəbər kodu: 1256024
Гәсбкар Исраил режиминин мәшум планы фәләстинлиләрин кәскин мүгвимәти илә үзләшәҹәк.
