АБНА24 Хәбәр Верир , Русија Мүдафиә Назирлијинин рәсми нүмајәндәси, ҝенерал-мајор Игор Конашенков билдириб ки, Русија Силаһлы Гүввәләри “Исҝәндәр”лә АБШ вә Авропа Иттифагындан Украјна Силаһлы Гүввәләринә верилән силаһлары вә Харков вилајәтиндә Украјна Силаһлы Гүввәләринин 58-ҹи мотоатыҹы бригадасынын бөлмәләринин шәхси һејәтини атәшә тутуб.
Онун сөзләринә ҝөрә, Харков вилајәтинин Красноград вә Карловка дәмирјол стансијалары әразиләриндә “Исҝәндәр” оператив-тактики ракет комплексләри АБШ вә Гәрб өлкәләриндән ҝәтирилән бөјүк мигдарда силаһ вә һәрби техниканы, һабелә Украјна Силаһлы Гүввәләринин 58-ҹи мотоатыҹы бригадасынын бөлмәләринин шәхси һејәтини мәһв едиб.
Бундан әлавә, Русија Аерокосмик Гүввәләри јүксәк дәгигликли ракетләрлә Украјна ордсунун 42 ҹанлы гүввәсинин ҹәмләшдији әразини вә ики сурсат анбарыны, “Илан” адасы јахынлығында Украјнаја мәхсус үч “Ми-8” һеликоптерини вә ики “Су-24” вә “Су-27” тәјјарәләрини вуруб.
Бу арада НАТО-нун Баш катиби Јенс Столтенберг билдириб ки, Русијанын нүвә гүввәләрини һәрәкәтә кечирән әламәтләр мүшаһидә олунмајыб.
Бунунла белә баш катиб дејиб: "Русија рәһбәрлијинин нүвә тәһдиди илә бағлы ифадәләрини ешидирик. Бу мәсулијјәтсизликдир. Нүвә мүһарибәсинин галиби олмаз вә бу, әсла башламамалыдыр".
342/
9 may 2022 - 10:26
Xəbər kodu: 1256014
Русија ордусу АБШ вә Авропадан Украјнаја верилән силаһларин Исҝәндәр ракетләри илә вурулғуну иддиа едиб.
