АБНА24 Хәбәр Верир , Русија Мүдафиә Назирлијинин мәтбуат катиби ҝенерал-мајор Игор Конашенков Украјнанын 22 команда мәнтәгәсинин вурулдуғуну иддиа едиб.
Онун сөзләринә ҝөрә, Русија ракет гүввәләри Украјна гошунларынын 22 команда мәнтәгәсини вә 3 силаһ-сурсат анбарыны, һәмчинин 207 истеһкам вә дүшмәнин ҹанлы гүввә вә техникасынын ҹәмләшдији әразиләри мәһв едиб.
Украјна Мүдафиә Назирлијинин ҝүндәлик оператив мәлуматында исә билдирилиб ки, гаршы тәрәф Изјум истигамәтиндә ПУА-лар васитәсилә һава кәшфијјаты апарыр: Бир нечә јашајыш мәнтәгәсиндә үч көрпү партладылыб. Бу, Украјна Силаһлы Гүввәләринин әкс-һүҹум әмәлијјатларына мане олмаг үчүндүр. Донетск вә Таврија истигамәтләриндә дүшмән тәмас хәтти бојунҹа артиллерија атәшини давам етдирир. Бунунла јанашы Мариупол шәһәриндә мүдафиә гүввәләринин Азовстал рајонундакы бөлмәләринин мүһасирәси давам едир. һәмчинин Русија ордусу Николајев шәһәринин мүлки инфраструктуруну ракетләрдән вә чохсајлы реактив јајлым атәшиндән атәшә тутуб.
Вурғуланыб ки, Николајев вилајәтинин Ивано-Кепин гәсәбәсиндә гаршы тәрәфин дөјүш сурсаты анбары вә 20 техникасы мәһв едилиб. Үмумиликдә сон сутка әрзиндә Русија Силаһлы Гүввәләринин 14 ПУА-сы, 3 танкы, 8 артиллерија системи, 7 зиреһли дөјүш машыны, 1 автомобили, 3 мүһәндис техникасы мәһв едилиб. Һәмчинин Донетск вә Луганск вилајәтләриндә гаршы тәрәфин 8 һава һүҹуму дәф едилиб.
Украјна Силаһлы Гүввәләринин Баш Гәрарҝаһы да иддиа едиб ки, Украјна Силаһлы Гүввәләри Харков вилајәтиндә 5 јашајыш мәнтәгәсинә нәзарәти бәрпа едиб.
342/
8 may 2022 - 14:53
Xəbər kodu: 1255796
Русија вә Украјна мүһарибәнин сон вәзијјәти илә бағлы зиддијјәтли мәлуматлар јајырлар.
