Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Сурија президенти Бәшәр Әсәд вә Оман султаны Һејсәм бин Тариг әл-Сәид бу ҝүн телефонла данышыб.
Сурија президенти вә Оман Султаны мүгәддәс Рамазан ајынын ҝәлиши мүнасибәтилә тәбрикләрини чатдырыб, ики өлкә халгына, әрәб вә Ислам халгларына ҹансағлығы вә фираванлыг арзулајыблар.
Мәлумата ҝөрә, телефон данышығында Сурија илә Оман арасындакы гардашлыг мүнасибәтләри вә ики өлкә арасында бир чох саһәләрдә мүһүм ирәлиләјиш әлдә едән икитәрәфли әмәкдашлыг просеси мүзакирә олунуб.
Бу телефон данышығында ики гардаш халг арасында мүнасибәтләрин мөһкәмләнмәсинә сәбәб олаҹаг шәкилдә әмәкдашлығын ҝүҹләндирилмәси вә әмәкдашлығын јени үфүгләринин ачылмасы истигамәтиндә бирҝә ишләрин давам етдирилмәси вурғуланыб.
Гејд едәк ки, Оманын хариҹи ишләр назири Бәдр әл-Бусаиди 2022-ҹи илин февралында Суријанын пајтахты Дәмәшгә рәсми сәфәр едәрәк Бәшәр Әсәдлә ҝөрүшмүшдүр.
Диггәт: Хәбәрдән Истифадә Етдикдә Мәнбәјә Истинад Лазымдыр!
