АБНА24 Хәбәр Верир , Франса сенатынын тәһгигатларындан сызан мәлумата ҝөрә, һөкумәтинин, дүнјада идарәетмә үзрә ән ири мүшавирә ширкәтләриндән олан Маккензи адлы американ нәһәнҝи дә дахил олмагла өзәл мүшавирә ширкәтләриндә үмуми пулдан азадҹасына вә ганунсуз шәкилдә истифадә етмәси сәбәбиндән, Франса президенти Еммануел Макрон ганун позуҹусудур.
Макрон буҝүнкү тәблиғат сәфәриндә бу мәсәләни кәскин тәрздә тәкзиб едиб. Дејиб ки, бунлар корона бөһранынын идарә олунмасы үчүн чәкилмиш хәрҹләрдәндир.
Амма Макронун гаршыдан ҝәлән сечкиләрдәки он бир рәгиби онун милјардлыг вә баһалы мүшавирә хәрҹләрини һөкумәт рүсвајчылығы, бәзиләри исә ҹинајәт һесаб едирләр. Онлар үмид едирләр ки, бу мәсәлә, Макронун Украјна савашы һесабына сычрајыш ҝөстәрмиш үстүнлүјүнү азалдаҹаг. Бу үстүнлүк инди јаваш-јаваш азалмагдадыр. Бунунла белә, үмуми фикрин бөјүк бир һиссәси Еммануел Макрону гаршыдакы беш ил үчүн Франсанын президенти һесаб едир.
Сон рәј сорғуларына әсасән, Еммануел Макрон 28 вә Марин Лүпен 21 фаиз сәслә бөјүк еһтимала гаршы сечкиләрин икинҹи етапына чыхаҹаглар.
Сијаси аналитикләрин сөзләринә ҝөрә, Маккензиҝејт биабырчылығы һәрчәнд Макронун әл-ајағына долашаҹаг, амма франсызларын зеһинләриндә өтән ај, кечән әсрин 80-ҹи ониллијиндәки сәвијјәдән даһа јүксәк һәддә чатмыш спиралвари инфлјасија, јанаҹаг баһалашмасы вә аилә хәрҹи дә дахил олмагла бир чох диҝәр мүһүм суаллар вар.
Бунунла белә, белә бир дәјәрләндирмә мөвҹуддур ки, президент сечкиләринин биринҹи етапына чыхан сон ҝүнләрдә Маккензиҝејт биабырчылығы Макронун сәсләринин тәнәззүлүнә баис олмагда давам едәҹәк.
342/
3 aprel 2022 - 12:16
Xəbər kodu: 1244218
Франсада президент сечкиләринин биринҹи етапына бир нечә ҝүн галмыш Маккензиҝејт адлы малијјә ишинин ачылмасы Еммануел Макрона јени бир биабырчылыг ҝәтириб.
