Миронов: Депутатын Азәрбајҹанла бағлы дедикләри партијанын мөвгеји дејил

АБНА24 Хәбәр Верир , депутат гејд едиб ки, Дөвләт Думасынын депутаты Михаил Делјагинин Азәрбајҹанла бағлы дедији сөзләр тәһриф едилиб, лакин һәр нә дејибсә дә, бу, сијасәтчинин шәхси фикридир вә бунун партијанын вә ја онун фраксијасынын мөвгеји илә һеч бир әлагәси јохдур. Чүнки “Әдаләтли Русија – Һәгигәт наминә” һәмишә бүтүн мәсәләләрин дипломатик јолла һәллинин тәрәфдарыдыр.

Хатырладаг ки, бундан әввәл Делјаҝин Русијанын федерал телеканалларындан биринин ефириндә онун фикринҹә, Полша вә Азәрбајҹан тәрәфиндән еһтимал олунан тәһлүкәләрә диггәт чәкиб вә сонунҹунун нефт сәнајесинә нүвә зәрбәләри ендирмәји тәклиф едиб.

Бунун ардынҹа Русија Федерасијасы Президентинин мәтбуат катиби Дмитри Песков Русијанын тәрәфдашлары илә бағлы емосионал бәјанатлардан чәкинмәјә чағырыб.

Миронов журналистләрлә сөһбәтиндә бунлары дејиб: “Һәмкарымыз, фраксијамызын депутаты, парлаг игтисадчы Михаил Делјагинин ачыгламасы илә бағлы һеч дә јахшы олмајан һадисә баш вериб. О, верилишләрин бириндә Азәрбајҹанын нефт сәнајеси илә бағлы фикирләрини билдириб. Сөзләрини тәһриф етдиләр, тамам башга шејләр данышмаға башладылар... Демәк истәјирәм ки, Михаил Делјагинин телевизија верилишләринин бириндә дедији фикир онун шәхси фикридир, бу, бизим фраксијамызын вә партијамызын фикри дејил”.

Бүтүн бу изаһатлара рәғмән, Делајгинин Азәрбајҹаны тәһдид етмәси Русија илә стратежи мүттәфиглик һагда бәјаннамә илә бағлы шүбһәләрә јол ачыб. Она ҝөрә дә, Русијанын Азәрбајҹандакы сәфири Михаил Бочарников кечирдији мәтбуат конфрансында билдириб ки, Москва Бәјаннамәси әлагәләрин ҝәләҹәк инкишафы үчүн ваҹиб бир сәнәддир.

Сәфир вурғулајыб ки, Москва Бәјаннамәси Азәрбајҹанын суверенлији, тәһлүкәсизлији үчүн ваҹиб бир анлашмадыр вә бу бәјаннамә бејнәлхалг һүгугун өнәмли парчасыдыр.

342/